شرح دالة SORT في إكسيل

دالة SORT في الإكسيل واحدة من أهم الدوال اللي بتسهل حياتك لو بتتعامل مع بيانات كتير الدالة دي موجودة في إصدارات Excel الحديثة زي Excel 365 وExcel 2021 وهدفها الأساسي ترتيب البيانات بطريقة ذكية وسريعة من غير ما تحتاج تعمل فرز يدوي أو تستخدم القوائم التقليدية

المميز في SORT إنها مش بس بترتب الأرقام لكن كمان الكلمات والتواريخ وكمان تقدر ترتب على أكتر من عمود في نفس الوقت غير كده ممكن تستخدمها مع دوال تانية زي FILTER أو UNIQUE عشان تحصل على قوائم مرتبة وفريدة بشكل مباشر

- الصيغة الأساسية لدالة SORT:

الصيغة بتاعة دالة SORT بسيطة جدا:

SORT(array, [sort_ index], [sort_ order], [by_ col])

- تفسير كل عنصر:

- array: ده الجدول أو القائمة اللي عايز ترتبها

- sort_ index: رقم العمود اللي عايز ترتب عليه البيانات لو الجدول فيه عمود واحد ممكن تسيبه فاضي

- sort _order: ترتيب البيانات لو عايز ترتيب تصاعدي حط 1 ولو تنازلي حط -1

- by_ col: تحديد الترتيب حسب الأعمدة ولا الصفوف القيمة الافتراضية 0 يعني ترتيب حسب الصفوف لو حطيت 1 هيترتب حسب الأعمدة

لشرح دالة ROW في إكسيل اضغط هنا

- خطوات استخدام دالة SORT في الإكسيل:

- تحديد البيانات:

أول حاجة هتعملها حدد الجدول أو العمود اللي عايز ترتبه لو عندك مثلا قائمة أسماء موظفين أو أرقام مبيعات خلي كل العمود جاهز

- كتابة الدالة:

في خلية فاضية اكتب:

SORT(A2:A10)=

هنا A10 : A2 هو نطاق البيانات اللي عايز ترتبه بالافتراض الدالة هترتب البيانات ترتيب تصاعدي تلقائي

- ترتيب تنازلي:

لو عايز الترتيب يكون من الأكبر للأصغر أو العكس هتضيف sort _ order:

SORT(A2:A10,1,-1)=

الرقم 1 هنا يعني العمود الأول في الجدول و -1 بيخلي الترتيب تنازلي

- ترتيب حسب عمود معين:

لو عندك جدول فيه أكتر من عمود مثلا: اسم الموظف / الراتب وعايز ترتب حسب الراتب هتكتب:

SORT(A2:B10,2,1)=

الرقم 2 هنا معناه العمود التاني اللي هو التراب و1 يعني ترتيب تصاعدي من الأقل للأعلي

- ترتيب حسب الصفوف:

في بعض الجداول ممكن تحتاج ترتب البيانات أفقي بدل عمودي هنا هتستخدم by _ col:

SORT(A2:E2,,1,1)=

الأخير 1 هنا معناه ترتيب علي الصفوف

- دمج دالة SORT مع دوال تانية:

من أحسن مميزات دالة SORT إنك تقدر تدمجها مع دوال حديثة تانية في الإكسيل وتطلع بنتائج احترافية جدا كأنك شغال على برنامج إدارة بيانات مش مجرد ملف إكسيل أشهر الدوال اللي بتتدمج مع SORT هما FILTER وUNIQUE وده بيفتحلك باب كبير لتنظيم البيانات

- دمج دالة SORT مع دالة FILTER:

لو عندك جدول كبير وعايز تعرض بيانات قسم معين بس وفي نفس الوقت تكون مرتبة هنا الدمج ده هيبقى مثالي
مثال: جدول موظفين وعايز تشوف موظفين قسم المحاسبة مرتبين حسب الراتب تنازليا

الصيغة هتبقى كده:

(FILTER(A2:C20,C2:C20="المحاسبة"),2,-1)SORT=

اللي بيحصل هنا:

- FILTER: بتفلتر البيانات وتطلع موظفين المحاسبة بس

- SORT: بترتب النتيجة حسب العمود التاني (الراتب) ترتيب تنازلي

الميزة الكبيرة هنا إن أي موظف جديد يضاف للقسم هيظهر تلقائي في القائمة المرتبة من غير أي تعديل يدوي

- دمج دالة SORT مع دالة UNIQUE:

الدالة دي مفيدة جدا لو عندك بيانات مكررة وعايز تطلع قائمة نظيفة ومرتبة
مثال: عندك عمود فيه أسماء أقسام مكررة وعايز قائمة أقسام من غير تكرار ومرتبة أبجديا

الصيغة:

SORT(UNIQUE(A2:A50))=

النتيجة:

- إزالة التكرار

- ترتيب أبجدي تلقائي

- تحديث مباشر مع أي بيانات جديدة

وده مفيد جدا في التقارير القوائم المنسدلة Data Validation ولوحات التحكم Dashboards

- ليه الدمج ده مهم في الشغل:

- بيخليك تعتمد على معادلات ديناميكية بدل الترتيب اليدوي

- بيقلل الأخطاء البشرية

- بيخلي الملف احترافي وسهل التحديث

- ممتاز للشغل الإداري - المحاسبي - وتقارير الشركات

*ملاحظة مهمة:

أي دالة بتعتمد على SORT لازم تسيب مساحة فاضية تحتها عشان النتائج تظهر بالكامل وإلا هيظهرلك خطأ #SPILL! وده خطأ شائع جدا مع المبتدئين

لشرح دالة HLOOKUP في إكسيل لضغط هنا

- استخدامات عملية لدالة SORT:

- ترتيب الأسماء أبجديا:

لو عندك قائمة أسماء موظفين أو طلاب هتقدر بسهولة ترتبهم من A ل Z أو من Z ل A

- ترتيب المبيعات أو الأرقام:

لو عندك عمود فيه مبيعات الموظفين هتقدر بسهولة تعرف مين الأعلي والأقل

- ترتيب الجداول الكبيرة:

الدالة دي ممتازة لو عندك جدول فيه أكتر من عمود وعايز ترتيب حسب أكتر من معيار زي الراتب والتاريخ

- استخدامها مع دوال تانية:

ممكن تدمج دالة SORT مع دالة FILTER لو عايز تعرض بيانات معينة بس بشكل مرتب أو مع دالة UNQUE لو عايز قائمة مرتبة من غير تكرار

- أخطاء ممكن تواجهها مع دالة SORT:

- #VALUE! :

غالبا بيظهر لو النطاق اللي حددته فيه خلايا فاضية أو بيانات غير متوافقة

- الحل: اتأكد إن كل الخلايا تحتوي علي بيانات صحيحة

- #SPILL! :

ده بيظهر لما الخلية اللي كتب فيها الدالة تكون مش قادرة تظهر كل النتايج بسبب وجود بيانات في الخلايا المجاورة

- الحل: خلي الخلايا حواليها فاضية

- ترتيب غير صحيح:

ممكن يحصل لو عمود البيانات فيه نصوص وأرقام مختلطين

- الحل: حاول تقسمهم أو تحولهم لنفس النوع

لشرح دالة COUNTIF في إكسيل اضغط هنا

- نصايح مهمة عند استخدام دالة SORT:

- دايما خلي العمود اللي هترتب عليه واضح وميكونش فيه بيانات مختلطة

- استخدم دالة SORT مع دوال تانية علشان تحصل علي نتايج ديناميكية وسهلة التحديث

- لو عندك جدول كبير جدا ممكن تقسم البيانات قبل ما تستخدم الدالة لتسريع الأداء

- استخدم sort _ index بعناية خصوصا لو الجدول فيه أعمدة كتير

مثال عملي علي دالة SORT:

لو عندك جدول زي ده:

الاسم الراتب القسم

أحمد 5000 المحاسبة

محمد 7000 التسويق

ساره 4500 المبيعات

هاله 6000 المحاسبة

ولو عايز ترتب الجدول حسب الراتب تصاعديا هتكتب:

SORT(A2:C5,2,1)=

هتلاقي الجدول بعد الترتيب بيظهر كده:

الاسم الراتب القسم

ساره 4500 المبيعات

أحمد 5000 المحاسبة

هالة 6000 المحاسبة

محمد 7000 التسويق

ولو عايز ترتيب تنازلي بس غير الرقم 1 ل -1

دالة SORT في الإكسيل أداة قوية جدا لترتيب البيانات بسرعة وبدقة سواء كنت بتشتغل علي قوائم صغيرة أو جداول ضخمة الدالة هتوفرلك وقت ومجهود كبير أهم حاجة تفهم الصيغة تعرف كل باراميتر بيعمل ايه وتستفيد من دمجها مع دوال تانية زي دالة FILTER و دالة UNQUE علشان تحصل علي جداول منظمة ومرتبة تلقائيا

باستخدام دالة SORT هتقدر تتعامل مع أي بيانات سواء أرقام - نصوص - تواريخ وترتيبها بالطريقة اللي تناسبك وهتلاحظ فرق كبير في سرعة الشغل وتنظيم ملفاتك

- يرجى مشاركة المقال مع أشخاص آخرين لتعم الفائدة ونشرها على حساباتك الشخصية على مواقع التواصل الإجتماعي من الأيقونات أسفل المقال

- الصفوف والأعمدة في برنامج الاكسيل

- دالة COUNTIF في إكسيل

- قائمة Review في إكسيل

- قائمة Data في الإكسيل

- قائمة LAYOUT في إكسيل

- دالة FILTER في إكسيل

- دالة UNIQUE في إكسيل