شرح واجهة برنامج وورد للمبتدئين
- برنامج مايكروسوفت وورد واحد من اشهر برامج الكتابة وتنسيق الملفات في العالم وبيستخدمه الطلبة والموظفين والمدربين في الشغل والدراسة
اول ما تفتح البرنامج بتقابلك واجهة بسيطة لكنها مليانة أدوات مهمة لو فهمتها هتسهل عليك الشغل جدا
- الشاشة الرئيسية لبرنامج وورد
اول جزء بتشوفه هو الشاشة الرئيسية ودي بتظهرلك اما ملف فاضي جديد او ملفات كنت شغال عليها قبل كده
من هنا تقدر تبدأ مستند جديد او تكمل شغلك القديم بسهولة
شريط العنوان
- في اعلى البرنامج هتلاقي شريط العنوان
- الشريط ده بيكون مكتوب فيه اسم الملف اللي شغال عليه واسم برنامج وورد
- ومن خلاله تقدر تصغر البرنامج او تكبره او تقفله
شريط الوصول السريع
- ده شريط صغير موجود فوق
- بيكون فيه اوامر بتستخدمها كتير زي الحفظ والتراجع
- مميزته انك توصل للاوامر بسرعة من غير ما تدور عليها
الشريط الرئيسي
- الشريط الرئيسي هو اهم جزء في واجهة وورد
- من خلاله بتتحكم في شكل الخط ولونه وحجمه
- وتقدر تعمل تنسيق للكلام زي العريض والمائل وتظبيط الفقرات
- ده الشريط اللي هتستخدمه اغلب وقتك
التبويبات
- واجهة وورد متقسمة لتبويبات
- كل تبويب بيضم مجموعة اوامر خاصة بوظيفة معينة
زي تبويب ادراج لاضافة صور وجداول
وتبويب تصميم لتنسيق الصفحة
التنقل بين التبويبات بيسهل عليك الوصول للاوامر
منطقة العمل
- دي المساحة البيضاء الكبيرة اللي في نص الشاشة
- هنا بتكتب النص وتنسقه وتضيف الصور والجداول
- اي حاجة بتعملها بتظهر مباشرة في منطقة العمل
شريط الحالة
- في اسفل البرنامج هتلاقي شريط الحالة
- بيوضحلك عدد الصفحات وعدد الكلمات
- وكمان تقدر من خلاله تغير طريقة عرض المستند
ازاي تستفيد من فهم الواجهة
- لما تفهم واجهة وورد كويس هتشتغل اسرع
- هتقدر تركز في المحتوى بدل ما تضيع وقتك في البحث عن الاوامر
- وده بيفرق جدا سواء في الشغل او الدراسة
تبويبة الحافظة
- تبويبة الحافظة من أول التبويبات اللي بتظهر في الشريط الرئيسي في برنامج وورد وبتعتبر من أكتر الأجزاء اللي بتستخدم يوميا حتى لو المستخدم مش واخد باله التبويبة دي مسؤولة عن التعامل مع النصوص أو العناصر اللي بتتنقل من مكان لمكان داخل المستند أو من مستند لمستند تاني أهم الأدوات الموجودة فيها هي النسخ والقص واللصق النسخ بيخليك تاخد نفس النص أو العنصر وتكرره في مكان تاني من غير ما يختفي من مكانه الأصلي القص بيشيل النص من مكانه وينقله لمكان جديد اللصق بيظهر العنصر اللي اتنسخ أو اتقص في المكان اللي انت واقف فيه
- كمان في أداة مهمة اسمها نسخ التنسيق ودي بتساعدك تنقل شكل الخط أو الفقرة من نص لنص تاني من غير ما تعيد التنسيق من الأول الأداة دي مفيدة جدا في المستندات الطويلة لأنها بتوفر وقت كبير وبتخلي التنسيق موحد استخدام تبويبة الحافظة بشكل صحيح بيساعدك تشتغل بسرعة وتنظم شغلك من غير لخبطة خصوصًا في الأبحاث والتقارير
تبويبة خط
- تبويبة خط مسؤولة عن شكل الكتابة نفسها وبتتحكم في كل ما يخص الحروف والكلمات من خلالها تقدر تغير نوع الخط حسب ذوقك أو حسب طبيعة المستند تقدر كمان تتحكم في حجم الخط سواء تكبيره أو تصغيره و تغيير لون الخط بيساعدك تبرز كلمات معينة أو عناوين مهمة داخل النص
- التبويبة دي كمان بتحتوي على أدوات زي الخط العريض والمائل وتحته خط ودي بتستخدم للتأكيد على جزء معين من الكلام كمان تقدر تشطب على كلمة لو حابب توضح إنها ملغية في أدوات إضافية زي تغيير حالة الحروف من كبيرة لصغيرة أو العكس ودي مفيدة في العناوين
- من خلال تبويبة خط تقدر كمان تظبط المسافات بين الحروف أو ترفع النص لفوق شوية أو تنزله لتحت زي ما بيحصل في المعادلات أو الرموز التحكم في الخط بشكل صحيح بيدي المستند شكل احترافي وبيخلي القارئ مرتاح في القراءة
تبويبة فقرة
- تبويبة فقرة مسؤولة عن شكل الفقرة وترتيب الكلام داخل الصفحة ودي من أهم التبويبات في برنامج وورد من خلالها تقدر تتحكم في محاذاة النص سواء يكون يمين أو شمال أو في المنتصف أو مضبوط من الطرفين اختيار المحاذاة الصح بيفرق في شكل المستند خصوصا في الخطابات والتقارير
- كمان من خلال تبويبة فقرة تقدر تتحكم في التباعد بين السطور وده بيساعد إن النص يكون مريح للعين ومش متكدس تقدر تزود مسافة قبل الفقرة أو بعدها عشان تفصل بين الأفكار بشكل منظم
- في أدوات خاصة بالتعداد النقطي والتعداد الرقمي ودي بتستخدم لما تحب ترتب أفكارك أو تعرض خطوات بشكل واضح كمان تقدر تعمل حدود للفقرة أو تضيف خلفية بلون معين لو حابب تبرز جزء مهم
- تبويبة فقرة بتساعدك تنظم الصفحة بالكامل وتخلي شكل المستند مرتب وواضح سواء كان ملف دراسة أو شغل أو تقرير رسمي لما تتقن استخدام الأدوات دي هتلاحظ فرق كبير في جودة شغلك وسرعة إنجازه
اضغط هنا لتحميل ملزمة تعليم وورد كاملة
يرجى مشاركة المقال مع أشخاص آخرين لتعم الفائدة ونشرها على حساباتك الشخصية على مواقع التواصل الإجتماعي من الأيقونات أسفل المقال
جزاك الله كل خير
ردحذفلكتابة باللغة العربية يجب تفعيل ( من اليمين إلى اليسار)
ردحذف