لو بتشتغل على الإكسيل وبتتعامل مع جداول بيانات كتير أكيد قابلتك مشكلة إنك عايز تدور على قيمة معينة موجودة في صف أفقي وترجع بيانات مرتبطة بيها من صف تاني تحتها هنا بقى تيجي أهمية دالة HLOOKUP واللي اسمها اختصار لـ Horizontal Lookup يعني بحث أفقي
هنشوف دلوقتي دالة HLOOKUP من الصفر إيه فكرتها وبتشتغل إزاي وإمتى تستخدمها وتركيبها الصح وأهم الأخطاء اللي الناس بتقع فيها
- دالة HLOOKUP:
دالة HLOOKUP وظيفتها إنها:
- تدور علي قيمة معينة
- في أول صف في جدول
- وبعدين ترجعلك قيمة من صف تاني تحته
- في نفس العمود اللي لقيت فيه القيمة
بمعني أبسط:
- بتدور أفقيا مش رأسيا
- يعني بدل ما تبص في عمود زي دالة VLOOKUP بتبص في صف
- استخدام دالة HLOOKUP:
تستخدم دالة HLOOKUP لما:
- البيانات متقسمة علي صفوف مش أعمدة
- العناوين الأساسية موجودة في الصف الأول
- وكل صف تحت بيمثل نوع بيانات مختلف
مثال شائع:
- الصف الأول: أسماء الشهور
- الصف التاني: المبيعات
- الصف التالت: الأرباح
وساعتها عايز تجيب مبيعات شهر معين
- تركيب دالة HLOOKUP:
الصيغة العامة للدالة هي:
HLOOKUP(lookup_value, table_ array, row_ index_ num, [range_lookup])=
تعالي نفهم جزء جزء
لشرح دالة COUNTBLANK في إكسيل اضغط هنا
- شرح عناصر الدالة واحدة واحدة:
- lookup_ value:
دي القيمة اللي الإكسيل هيدور عليها
- ممكن تكون نص
- أو رقم
- أو مرجع خلية
مثال:
اسم شهر - كود مادة - سنة معينة
- table_ array:
وده نطاق الجدول اللي فيه البيانات كلها
- لازم أول صف فيه يكون صف البحث
- والدالة هتدور في الصف الأول فقط
* مهم جدا تختار الجدول صح ويفضل تثبيته ب $
- row_ index_ num:
وده رقم الصف اللي انت عايو ترجع منه القيمة
- الصف الأول = رقم 1
- الصف اللي تحته = رقم 2
- وهكذا
مثال:
لو عايز بيانات من الصف التالت → تكتب 3
- range_ lookup (اختياري):
وده نوع البحث:
- False → بحث مطابق 100 % وده الأفضل
- True → بحث تقريبي نادر الاستخدام
*دايما استخدم False إلا لو انت فاهم بتعمل ايه كويس
مثال عملي بسيط:
نفترض إن عندك جدول بالشكل ده:
يناير فبراير مارس أبريل
1000 1200 900 1500
300 400 250 500
كده الدالة ديناميكية وتشتغل علي أي شهر
شرح دالة VLOOKUP في Excel : اضغط هنا
- الفرق بين HLOOKUP و VLOOKUP:
المقارنة HLOOKUP VLOOKUP
اتجاه البحث أفقي رأسي
مكان البحث الصف الأول العمود الأول
الاستخدام أقل شيوعا أكثر شيوعا
الاتنين شبه بعض جدا الاختلاف بس في اتجاه البيانات
- أخطاء شائعة في استخدام دالة HLOOKUP:
- البحث مش في أول صف: لو القيمة اللي بتدور عليها مش موجودة في الصف الأول → الدالة تفشل
- row_ index_ num غلط: لو كتبت رقم صف مش موجود → يطلعلك خطأ #REF!
- نسيان FALSE: لو سيبت تقريبي بالغلط → النتايج تطلع غلط ومتلغبطة
- نطاق جدول مش ثابت: لو نسخت المعادلة بدون $ → النتايج تتغير غلط
- أفضل ممارسات استخدام دالة HLOOKUP:
- خليك دايما مستخدم FALSE
- ثبت نطاق الجدول
- اتأكد إن البيانات منسقة
- يفضل استخدام دالة XLOOKUP في الإصدارات الحديثة
- هل HLOOKUP لسه مهمة:
الدالة لسه شغالة وموجودة بس:
- في الإكسيل الجديد
- دالة XLOOKUP أحسن وأسهل
لكن بردو دالة HLOOKUP مهمة جدا:
- في الشغل
- في الامتحانات
- في ملفات قديمة
شرح دالة XLOOKUP في الإكسيل اضغط هنا
- استخدام دالة HLOOKUP مع دوال تانية:
من الحاجات المهمة قوي في الإكسيل إنك نادرا ما تستخدم دالة لوحدها وغالبا بتحتاج تربط HLOOKUP مع دوال تانية عشان تطلع نتيجة أدق وأذكى
مثال شائع جدا إنك تستخدمها مع دالة IF وده بيكون مفيد لما تحب تتحكم في النتيجة حسب شرط معين
مثال:
لو الدالة رجعت قيمة فاضية أو غلط تقدر تخلي الإكسيل يعرض رسالة بدل الخطأ
زي مثلا:
- لو مفيش بيانات → يظهر غير متوفر
- لو القيمة أقل من رقم معين → يظهر تنبيه
وكمان ممكن تستخدم HLOOKUP مع IFERROR ودي من أحسن الدوال اللي بتنقذك من شكل الأخطاء في الملف خصوصا لما الملف بيتسلم لعميل أو مدير
كمان من الاستخدامات العملية إنك تربط HLOOKUP مع دالة MATCH عشان رقم الصف مايبقاش ثابت وده يخلي المعادلة مرنة أكتر وتشتغل على جداول بتتغير باستمرار
لما تفهم HLOOKUP كويس وتبدأ تركبها مع دوال تانية هتحس إنك سيطرت على الإكسيل بشكل احترافي مش مجرد دالة وخلاص دالة HLOOKUP بتستخدم للبحث الأفقي وسهلة وبسيطة وشبه دالة VLOOKUP جدا محتاجة تركيز في الصفوف لو فهمت فكرتها واتدربت عليها كتير وطبقت مثالين أو تلاتة هتستخدمها وأنت مطمن
- يرجى مشاركة المقال مع أشخاص آخرين لتعم الفائدة ونشرها على حساباتك الشخصية على مواقع التواصل الإجتماعي من الأيقونات أسفل المقال
- اهم الاختصارات والأوامر السريعة في إكسيل