تحميل كتاب تعليم برنامج powerpoint

 دالة CHOOSE من الدوال الذكية في إكسيل ناس كتير مبتستخدمهاش رغم إنها بتوفر وقت ومجهود كبير جدا خصوصا لما يكون عندك أكتر من اختيار وعايز تطلع نتيجة واحدة بناء علي رقم أو شرط بسيط

الفكرة كلها إنك تقول لإكسيل:

لو الرقم ده = 1 هاتلي الحاجة دي لو الرقم = 2 هاتلي التانية ..... وهكذا

يعني بدل ما تعمل IF متداخلة ومعقدة دالة CHOOSE بتعمل نفس الشغل بشكل أنضف وأسهل

- دالة CHOOSE:

دالة CHOOSE بتختار قيمة واحدة من مجموعة قيم بناء علي رقم انت بتحدده

- مثال بسيط:

لو عندك أرقام من 1 ل 4 وكل رقم ليه اسم شهر أو اسم قسم أو تقدير الدالة تختار لك القيمة الصح تلقائي

يعني:

     - 1 → قيمة أولي

     - 2 → قيمة تانية

     - 3 → قيمة تالتة

     - وهكذا ....

- الصيغة العامة لدالة CHOOSE:

CHOOSE(index_num, value1, value2, value3, ...)=

- شرح عناصر الدالة:

- index _ num:

الرقم اللي علي أساسه الاختيار هيتم ولازم يكون رقم صحيح

- value1, value2, value3, ....:

القيم اللي إكسيل هيختار منها وممكن تكون:

     - أرقام

     - نصوص

     - خلايا

     - معادلات 

     - أو حتي دوال تانية

- مثال بسيط يوضح الفكرة:

افترض إن الخلية A1 فيها رقم من 1 ل 3 وعايز تطلع اسم القسم:

(A1,"مبيعات","محاسبة","موارد بشرية")CHOOSE=

النتيجة:

     - لو 1 = A1 → مبيعات

     - لو 2 = A1 → محاسبة

     - لو 3 = A1 → موارد بشرية

 ببساطة شديدة

لشرح دالة INDEX في الإكسيل اضغط هنا

- مثال عملي في الشغل _ تقديرات الطلاب:

لو عندك درجات وعايز تحولها لتقدير:

الرقم                                         التقدير

1                                             ضعيف

2                                             مقبول

3                                             جيد

4                                             جيد جدا

5                                             ممتاز

والخلية A1 فيها رقم التقدير:

(A1,"ضعيف","مقبول","جيد","جيد جدًا","ممتاز")CHOOSE=

بدل IF متداخلة من 5 مستويات خلصت في سطر واحد

 

- استخدام دالة CHOOSE مع خلايا مش نص ثابت:

مش شرط تحط القيم جوا الدالة كنصوص ممكن تستخدم خلايا مباشرة

مثال:

CHOOSE(A1,B1,C1,D1)=

لو 2 = A1 → هيطلع قيمة الخلية C1

وده مفيد جدا لما تكون القيم بتتغير باستمرار

- استخدام دالة CHOOSE مع دوال تانية:

واحدة من أقوي مميزات دالة CHOOSE إنها تشتغل جوا دوال تانية 

- مثال مع دالة SUM:

عايز تجمع عمود مختلف حسب اختيار المستخدم:

SUM(CHOOSE(A1,B1:B10,C1:C10,D1:D10))=

- لو 1 = A1 → يجمع العمود B

- لو 2 = A1 → يجمع العمود C

- لو 3 = A1 → يجمع العمود B

ده استخدام احترافي جدا في التقارير والديناميك داشبورد

لشرح دالة OFFSET في الإكسيل اضغط هنا

- مقارنة بين دالة CHOOSE ودالة IF:

- استخدم دالة CHOOSE لما:

     - يكون عندك اختيارات ثابتة بعدد معروف

     - الاختيار مبني علي رقم

     - عايز كود نظيف وسهل القراءة

- استخدم دالة IF لما:

     - المقارنة منطقية أكبر من / أصغر من

     - الشروط معقدة وكش مجرد رقم 

بمعني تاني:

     - CHOOSE = اختيار

     - IF = شرط

- الفرق بين دالة CHOOSE ودالة VLOOKUP:

ناس كتير بتتلخبط بينهم بس الفرق واضح:

المقارنة                                  VLOOKUP                        CHOOSE

يعتمد علي رقم                                ✔                                        ✖

يعتمد علي جدول                             ✖                                        ✔

سريع وبسيط                                  ✔                                      متوسط

يحتاج ترتيب بيانات                         ✖                                        ✔

لو بياناتك مش جدول دالة CHOOSE اختيار ممتاز 

أهمية دالة CHOOSE:

- في نماذج الإدخال

- في الشيتات التعليمية

- في التقارير السريعة

- في الداشبورد

- في الاختيارات الثابتة  شهور - أقسام - تقديرات

خصوصا لو بتدرس إكسيل أو بتعمل شيتات احترافية الدالة دي لازم تكون في شنطتك

- استخدام دالة CHOOSE في الداشبورد والتقارير التفاعلية:

من أقوى استخدامات دالة CHOOSE إنها تشتغل مع الداشبورد والتقارير التفاعلية خصوصا لما يكون عندك قائمة منسدلة Data Validation والمستخدم بيختار منها رقم أو خيار معين بدل ما تعمل شيتات كتير أو معادلات معقدة CHOOSE بتخليك تتحكم في كل حاجة من خلية واحدة بس

مثال عملي:
افترض إن عندك داشبورد مبيعات والخلية A1 فيها اختيار المستخدم:

     - 1 = مبيعات اليوم

     - 2 = مبيعات الأسبوع

     - 3 = مبيعات الشهر

وتقدر تستخدم المعادلة:

=CHOOSE(A1, SUM(B2:B10), SUM(C2:C10), SUM(D2:D10))

كده التقرير بيتغير تلقائي أول ما المستخدم يغير الاختيار وده بيدي مرونة عالية جدا وبيخلي الداشبورد شكله احترافي وسهل الاستخدام خصوصا في الشغل الإداري وتقارير الإدارة العليا

الميزة الكبيرة هنا إنك مش محتاج ماكرو ولا VBA مجرد دالة بسيطة لكنها ذكية وده يخلي ملف الإكسيل أخف وأسرع وأسهل في الصيانة والتطوير

لشرح دالة ROW في إكسيل اضغط هنا

- أخطاء شائعة في دالة CHOOSE:

- رقم خارج النطاق:

لو index _ num أقل من أو أكبر من عدد القيم → خطأ

مثال:

CHOOSE(5,"A","B","C")=

 ✖ خطأ لأن مفيش قيمة خامسة

- استخدام أرقام عشرية:

index _ num لازم يكون رقم صحيح:

- ✖ 2.5

- ✔ 2

- نسيان ترتيب القيم:

الدالة بتمشي بالترتيب أول قيمة هي 1 تاني قيمة هي 2 ..... وهكذا

- دالة CHOOSE من أبسط وأذكي دوال إكسيل بتخلصك من تعقيد IF المتداخللة وبتخليك تتحكم في الاختيارات بسهولة وسرعة

كل ما تتعود عليها هتكتشف إنك كنت بتعقد الدنيا علي نفسك من غير داعي

- يرجى مشاركة المقال مع أشخاص آخرين لتعم الفائدة ونشرها على حساباتك الشخصية على مواقع التواصل الإجتماعي من الأيقونات أسفل المقال 

- الصفوف والأعمدة في برنامج الاكسيل

- دالة الجمع SUM في الإكسيل

- دالة IF الشرطية

- شرح دالة VLOOKUP في Excel :

- شرح تبويبة Data في واجهة الاكسيل لإستيراد البيانات