قائمة Layout في برنامج Excel من القوائم المهمة جدا خصوصا لو بتشتغل علي ملفات عايز تطبعها أو تظهر ملف احترافي ومنظم القائمة دي بتتحكم في شكل الصفحة والهوامش والاتجاه والمقاس والعناصر اللي بتظهر في وقت الطباعة يعني ببساطة هي المسؤلة عن إن ملف الإكسيل يطلع شكله مظبوط ومنظم
الوصول لقائمة Layout
قائمة Layout بتلاقيها في الشريط العلوي في برنامج Excel وغالبا اسمها Page Layout في النسخة الانجليزية أول ما تضغط عليها هتظهرلك مجموعة أدوات خاصة بتنسيق الصفحة
- مجموعة السمات Themes:
الجزء ده خاص بالشكل العام للملف خصوصا لو هتقدمه أو هتطبعه
Themes:
بتغير شكل الملف كله مرة واحدة من حيث:
- نوع الخط
- التأثيرات
- الألوان
مفيدة لو عايزة شكل احترافي بسرعة
Colors:
بتغير ألوان الجداول والعناوين بسهولة بدل ما تختار لون لون
Fonts:
بتغير نوع الخط الافتراضي للملف كله
لشرح قائمة INSERT في إكسيل اضغط هنا
- مجموعة إعداد الصفحة Page Setup:
ودي أهم مجموعة في قائمة Layout لأنها المسؤلة عن الطباعة
- الهوامش Margins:
من هنا بتتحكم في المسافات من أطراف الورقة
- Normal عادي
- Narrow ضيق
- Wide واسع
- Custom Margins تظبيط الهوامش بنفسك
لو عندك جدول كبير الأفضل اختار هوامش ضيقة
ولو عايز تتحكم بنفسك اختار Custom Margins
- اتجاه الصفحة Orientation:
بنختار اتجاه الورقة:
- Portrait: طولي
- Landscape: عرضي
غالبا الجداول الكبيرة بتحتاج الاتجاه العرضي علشان الأعمدة تبقي واضحة
- حجم الورقة Size:
بتحدد مقاس الورقة اللي هتطبع عليها:
- A4 الأشهر
- Letter
- Legel
في مصر اختار دايما A4 الا لو عندك سبب تاني
- منطقة الطباعة Print Area:
الميزة دي ممتازة جدا لو عندك شيت كبير ومحتاج تطبع جزء معين بس:
- ظلل الجزء اللي عايزه
- اضغط Print Area
- اختار Set Print Area
كده Excel هيطبع الجزء ده بس
- تكرار عناوين الصفوف والأعمدة Print Titles:
الميزة دي من أقوى وأهم الحاجات في قائمة Layout خصوصا لو عندك جدول طويل وبيطلع على أكتر من صفحة
Print Titles بتخليك تثبت صف العناوين أو عمود معين بحيث يتكرر تلقائيا في كل صفحة مطبوعة
مثال:
لو عندك جدول مبيعات:
- الصف الأول فيه عناوين الأعمدة زي التاريخ - الصنف - السعر - الكمية
- الجدول طالع في 3 أو 4 صفحات
من غير Print Titles:
الصفحة التانية والتالتة هتطلع من غير عناوين واللي يقرأ التقرير هيتلخبط
طريقة الاستخدام:
- من Layout اختار Print Titles
- في خانة Rows to repeat at top
- اختار الصف اللي فيه العناوين (مثلاً $1: $1) واضغط OK
كده العناوين هتتكرر تلقائيا في كل صفحة
الميزة دي مهمة جدا في التقارير الإدارية وكشوف الحسابات والجداول الكبيرة وأي ملف بيتطبع وبيتراجع يدويا
- فواصل الصفحات Breaks:
بنستخدمها لو عايز تتحكم في مكان فصل الصفحات يدويا بدل ما البرنامج يقسم لوحده
لشرح قائمة HOME في إكسيل اضغط هنا
- مجموعة التحجيم Scale to Fit:
المجموعة دي مهمة لما الجدول يكون كبير ومش داخل في صفحة واحدة
- Width & Height:
تقدر تخلي الجدول:
- يدخل في صفحة واحدة عرض
- أو صفحة واحدة طول
- أو عدد صفحات معين
مثال:
لو عندك جدول أعمدته كتير:
- خلي Width = Page 1
- هيظبط العرض تلقائيا
Scale:
بتكبر أو تصغر الجدول بنسبة مئوية زي 80% أو 90%
- مجموعة خيارات الورقة Sheet Options:
دي بتتحكم في خيارات بتظهر علي الشاشة أو في الطباعة
- خطوط الشبكة Gridlines:
- View: تظهر الخطوط علي الشاشة
- Print: تظهر الخطوط في الطباعة
لو عايز جدولك يطلع بخطوط واضحة في الطباعة فعل Print
- عناوين الصفوف والأعمدة Heading:
- View: تظهر A - B - C و 1 - 2 - 3
- Print: تطبعهم مع الورقة
لشرح قائمة FILE في إكسيل اضغط هنا
- مجموعة ترتيب العناصر Arrange:
المجموعة دي بتستخدم لو حاطط:
- صور
- أشكال
- مربعات نص
ومن خلالها تقدر:
- تغير ترتيب الطبقات
- تحاذي العناصر
- تلف الصور
- تكبر وتصغر
مهمة جدا لو بتعمل تقارير أو داشبود
نصائح مهمة لاستخدام قائمة Layout:
- قبل ما تطبع استخدم دايما Print Preview
- لو الجدول كبير استخدم Landscape + Scale to Fit
- حاول متطبعش Gridlines الا لو احتاجتها
- استخدم Print Area علشان توفر ورق
- خلي العناوين واضحة وحجم الخط مناسب للطباعة
قائمة Layout في برنامج Excel هي مفتاحك في انك تطلع ملف شكله احترافي ومنظم سواء للطباعة أو للعرض أي حد بيشتغل في الإدارة أو الحسابات أو التقارير لازم يكون فاهم القائمة دي كويس لأنها بتوفر وقت ومجهود وبتخلي الشغل يطلع مظبوط من أول مرة
-يرجى مشاركة المقال مع أشخاص آخرين لتعم الفائدة ونشرها على حساباتك الشخصية على مواقع التواصل الإجتماعي من الأيقونات أسفل المقال
- اهم الاختصارات والأوامر السريعة في إكسيل
- تنسيق المستندات والجداول والعروض في Excel