قائمة file من أهم القوائم في برنامج إكسيل لأنها الأساس اللي بنتعامل منه مع الملف نفسه مش مع البيانات اللي جواه بس يعني أي حاجه ليها علاقة بفتح الملف وحفظه وطباعته أو حتي إقفاله هتلاقيها موجودة في قائمة file
قائمة file بتكون موجودة في أول شريط القوائم فوق علي الشمال وأول ما تدوس عليها بتفتحلك شاشة مختلفة شوية عن باقي القوائم ودي اسمها Backstage View ودي معمول ليها تصميم خاص علشان تركز علي إدارة الملف نفسه
أهمية قائمة FILE
أهمية قائمة file بتيجي من إنها المسئولة عن:
- إنشاء ملفات جديدة
- فتح ملفات قديمة
- حفظ الشغل
- مشاركة الملف
- طباعة الجداول
- تغيير إعدادات البرنامج
يعني بإختصار من غير قائمة file مش هتعرف تعامل مع الملف بشكل صحيح حتي لو أنت شاطر جدا في المعادلات والدوال
مكونات قائمة file في إكسيل
- جديد New:
الأمر New بيستخدم لما تحب تبدأ شغل جديد من الصفر
من هنا تقدر:
- تعمل ملف إكسيل فاضي
- تختار قالب جاهز Template زي جدول حسابات أو فاتورة أو ميزانية وهكذا
الميزة هنا إن القوالب بتوفر وقت ومجهود خصوصا لو شغلك متكرر
- فتح Open:
أمر Open بيخليك تفتح ملف إكسيل كنت شغال عليه قبل كده
تقدر تفتح:
- ملفات من علي الكمبيوتر
- أو من الفلاش
- أو من OneDrive لو مخزن أونلاين
وكمان إكسيل بيعرضلك آخر ملفات اتفتحت علشان توصلها بسرعة
- حفظ SAVE:
أمر save من أهم الأوامر لأنه بيحفظ أي تعديل عملته
لو الملف جديد إكسيل هيطلب منك:
- اسم الملف
- مكان الحفظ
- نوع الملف زي xlsx
ولو الملف محفوظ قبل كده مجرد الضغط علي save بيحدث التعديلات
*نصيحة مهمة: دايما احفظ شغلك باستمرار علشان متضيعش البيانات
لشرح قائمة HOME في إكسيل اضغط هنا
- حفظ باسم SAVE AS:
الأمر ده بيستخدم لما:
- تحب تحفظ نسخة تانية من الملف
- تغير اسم الملف
- تحفظه بصيغه مختلفة
زي مثلا:
- Excel 97 -2003
- CSV
وده مفيد جدا لو هتبعت الملف لحد أو ترفعه علي الموقع
- طباعة PRINT:
- أمر Print بيخليك تطبع الشغل بتاعك
منه تقدر:
- تختار الطابعة
- عدد النسخ
- تحدد الصفحات
- تشوف معاينة قبل الطباعة
وده مهم جدا علشان تتأكد إن الجدول شكله مظبوط ومش مقطوع
إعدادات أمر print:
- print: ينفذ أمر الطباعة
- copies: تحديد عدد نسخ الطباعة
- printer: اختيار الطابعة اللي عايزين نطبع عليها
- print active sheet: طباعة ورقة العمل المفعلة
- Print Entire Workbook: طباعة كاملة للمصنف
- Print Selection: طباعة البيانات المحددة
- pages: تحديد عدد صفحات الطباعة
- collated: لو بنطبع أكتر من نسخة كل نسخة بتطبع لوحدها
- Uncollated: لو بنطبع أكتر من نسخة بيطبع الصفحات الأولي مع بعض وبعدين التانية
- Orientation Portrait: بيخلي اتجاه الورقة عمودي
- Orientation Landscape: بيخلي اتجاه الورقة أفقي
- Paper Size: حجم الورقة A4
- Normal Margins: هوامش بتتحكم في المسافات
- No Scaling: طباعة بدون تحجيم
- مشاركة SHARE:
من خلال share تقدر تشارك الملف مع ناس تانية خصوصا لو شغال علي One Drive
تقدر:
- تبعت لينك
- تحدد مين يقدر يعدل ومين يقرأ بس
الميزة دي مهمة في الشغل الجماعي
- تصدير EXPORT:
أمر export بيستخدم لما تحب تطلع الملف بصيغة تانية زي:
- XPS
وده مفيد لو عايز تبعت الملف من غير ما حد يقدر يعدل فيه
إغلاق CLOSE:
الأمر ده بيقفل الملف الحالي بس من غير ما يقفل برنامج إكسيل كله
ولو فيه تعديلات مش محفوظة إكسيل هيسألك الأول تحب تحفظ ولا لأ
- الحساب ACCOUNT:
في الجزء ده بتلاقي معلومات حساب Microsoft بتاعك وتقدر:
- تشوف حالة الاشتراك
- تغير الحساب
- تشوف التحديثات
ومن خلال الاختيار ده ممكن تسجل في OFFICE:
- account privacy: خصوصية الحساب
- office theme: لاختيار خلفية الoffice
- sign in to office: للتسجيل وعمل حساب في الoffice بالضغط علي office
لشرح قائمة LAYOUT في إكسيل اضغط هنا
- خيارات OPTIONS:
أمر options بيعتبر الإعدادات العامة للبرنامج
منه تقدر:
- تغير لغة البرنامج
- تتحكم في طريقة الحفظ
- تعدل شكل الواجهة
- تتحكم في الإضافات Add-ins
وده بيخليك تظبط إكسيل علي مزاجك وطريقة شغلك
في النهاية فهم إعدادات أمر الطباعة في إكسيل بيساعدنا نطلع شغل احترافي ومنظم من غير أخطاء ولا تضييع ورق ولما نراجع الإعدادات قبل الطباعة ونظبط الاتجاه والهوامش والتحجيم نضمن إن الجدول يطلع واضح وسهل القراءة وده بيوفر وقت ومجهود وبيخلي الشغل شكله أحسن سواء في الدراسة أو في الشغل ويدل إن اللي مستخدم إكسيل فاهم البرنامج صح وبيعرف يستغله بأفضل طريقة
- يرجى مشاركة المقال مع أشخاص آخرين لتعم الفائدة ونشرها على حساباتك الشخصية على مواقع التواصل الإجتماعي من الأيقونات أسفل المقال
- جميع الدوال الحسابية في الاكسيل ووظيفة كل دالة
- التخزين السحابي على OneDrive