قائمة insert في برنامج إكسيل من القوائم المهمة جدا وناس كتير بتستخدم البرنامج من غير ما تستغلها صح مع إن القائمة دي هي المسئولة عن إدخال كل العناصر اللي بتخلي الشيت احترافي ومنظم وسهل الفهم من خلال insert تقدر تضيف جداول ورسومات بيانية وصور وأشكال ومعادلات وروابط وحاجات تانية كتير بتسهل الشغل وبتوفر وقت ومجهود
مجموعة الجداول Tables:
أول جزء في قائمة Insert هو Tables وده مهم جدا لأي حد بيشتغل بيانات
- Table:
الخيار ده بيحول أي بيانات عادية لجدول ذكي
مميزاته:
- بيديك فلاتر تلقائي
- بيسهل الفرز والتصفية
- أي صف جديد بيتضاف بياخد نفس التنسيق
- المعادلات بتتمد تلقائي
يعني لو عندك كشف حساب أو بيانات موظفين تحويلها Table هيخلي الشغل أنضف وسرع
- إدراج جدول:
- اضغط علي تبويب إدراج Insert
- نختار من مجموعة Tables
- نضغط علي ايقونة Table سوف تظهر نافذه Create Tables نقوم بتحديد الخلايا المطلوبة لعمل جدول ثم نضغط OK
- PivotTable:
وده من أقوي أدوات إكسيل
بيستخدم لتحليل البيانات واستخراج تقارير زي:
- إجمالي المبيعات
- عدد العملاء
- تحليل حسب التاريخ أو القسم
من غير دوال معقدة بس سحب وإفلات
لشرح قائمة FILE في إكسيل اضغط هنا
مجموعة الرسومات Illustrations:
المجموعة دي بتخليك تدخل عناصر بصرية جوا الشيت
- Pictures:
من هنا تقدر تدخل صورة من الكمبيوتر أو أونلاين زي:
- لوجو شركة
- صورة منتج
- توقيع
- Shapes:
بنستخدمها في الشرح زي الأسهم والمربعات والدوائرمفيدة جدا في:
- شرح خطوات
- تصميم شيت تفاعلي
- عمل أزرار وهمية
- Icons:
أيقونات جاهزة شكلها احترافي زي أيقونة هاتف أو كمبيوتر أو سهم
- SmartArt:
بتستخدمها لعرض فكرة أو تسلسل خطوات بشكل شكله حلو زي مخطط إداري أو خطوات عمل
أمر لقطة الشاشة بيخليك تاخد صورة لكل أو لجزء من أي نافذة ظاهرة علي سطح المكتب عند الضغط هتختفي شاشة الإكسيل وهتظهر لنا الشاشة التي تليها ونقوم بسحب الجزء المطلوب قصه وتندرج تحت المصنف
مجموعة الرسومات البيانية Charts:
الجزء ده خاص بتحويل الأرقام لرسومات
- Charts:
زي:
- Column Chart
- Bar Chart
- Line Chart
- Pie Chart
الرسومات دي بتساعدك تفهم البيانات بسرعة بدل ما تقرأ أرقام كتير
- الأعمدة Column Chart:
اكتر رسم بياني استخداما
- بيستخدم للمقارنة بين القيم
- مناسب لعدد العملاء والأرباح والمبيعات
مثال: مقارنة مبيعات الفروع
- الأشرطة Bar Chart:
شبه الأعمدة بس بيكون أفقي
- ممتاز لو أسماء البيانات طويلة
- بيظهر المقارنة بشكل أوضح
- الخطي Line Chart:
بيستخدم لعرض التغير مع الوقت
ممتاز للتواريخ والشهور
مثال: تطور المبيعات خلال السنة
- الدائري Pie Chart:
بيعرض النسب المئوية
يوضح كل جزء نسبته من الإجمالي
مثال: نسبة كل منتج من إجمالي المبيعات
*ملحوظة مهمة: يفضل متستخدمهوش لو عندك عناصر كتير
- المساحي Area Chart:
شبه الخصم الخطي
المساحة تحت الخط بتكون مظللة
بيبرز حجم التغير بشكل أوضح
- Recommended Charts:
إكسيل بيقترح عليك أنسب رسم بناء علي البيانات اللي محددها
لو محتار تختار انهي رسمة:
- حدد البيانات
- اضغط Recommended Charts
- إكسيل هيقترح عليك أنسب شكل
ودي ميزة حلوة جدا للمبتدئين
* الرسومات البيانية مهمة جدا في التقارير والعروض خصوصا لو بتشتغل في حسابات أو إدارة
لشرح قائمة HOME في إكسيل اضغط هنا
مجموعة Sparklines:
دي رسومات صغيرة بتتحط جوا الخلية نفسها
- Line
- Column
- Win/Loss
بتستخدمها علشان تبين اتجاه البيانات بسرعة زي ارتفاع أو انخفاض المبيعات من غير رسم كبير
مجموعة Filters:
- Slicer:
أداة جميلة جدا للتحكم في الجداول وPivotTable
بتخلي المستخدم يفلتر البيانات بضغطه زر بدل ما يستخدم الفلتر التقليدي
- Timeline:
خاصة بالتواريخ ويستخدم كتير مع PivotTable لتحليل البيانات حسب الوقت
- مجموعة Links:
- Link (Hyperlink):
تقدر من خلالها:
- تربط خلية بموقع إنترنت
- تفتح ملف
- تنقلك لصفحة تانية جوا نفس الملف
مفيدة في الملفات الكبيرة اللي فيها شيتات كتير
- مجموعة Text:
دي خاصة بالنصوص
- Text Box:
مربع نص تكتب فيه شرح أو ملاحظة
- Header & Footer:
لإضافه:
- اسم ملف
- التاريخ
- اسم الشركة
وبيظهروا وقت الطباعة
- WordArt:
نصوص مزخرفة بتستخدم أكتر في العناوين
- Signature Line:
لإضافة توقيع
- Object:
تقدر تدخل ملف Word أو PDF جوا ملف الإكسيل
لشرح قائمة LAYOUT في إكسيل اضغط هنا
مجموعة Symbols:
- Equation:
لكتابة معادلات رياضية معقدة
- Symbol:
لإدخال رموز خاصة زي:
- %
- √
- ±
أو أي رمز مش موجود علي الكيبورد
قائئمة INSERT في Excel مش مجرد قائمة لإضافة شكل أو صورة دي قلب الشغل الاحترافي كل ما تستخدمها صح:
- هتوفر وقت
- هتفهم بياناتك أكتر
- شغلك هيبقي شكله احترافي
سواء كنت مبتدئ أو محترف لازم تتعلم INSERT كويس لأنها في كل ملف تقريبا
-يرجى مشاركة المقال مع أشخاص آخرين لتعم الفائدة ونشرها على حساباتك الشخصية على مواقع التواصل الإجتماعي من الأيقونات أسفل المقال
- تنسيق المستندات والجداول والعروض في Excel
- جميع الدوال الحسابية في الاكسيل ووظيفة كل دالة
- اهم الاختصارات والأوامر السريعة في إكسيل