قائمة Home في برنامج Excel تعتبر قلب البرنامج وأهم تبويب فيه لأن تقريبا أغلب الشغل اليومي اللي أي مستخدم بيعمله في إكسيل بيكون من خلالها أول ما تفتح البرنامج هتلاقي نفسك تلقائي داخل علي قائمة Home وده لأن مايكروسوفت عارفة إن المستخدم بيحتاجها أكتر من أي قائمة تانية
قائمة Home متقسمة لمجموعات وكل مجموعة ليها وظيفة محددة وهنشرحهم بالتفصيل واحدة واحدة
مجموعة الحافظة Clipboard:
دي أول مجموعة في قائمة Home ووظيفتها الأساسية هي نقل البيانات
- لصق Paste:
زر اللصق مش مجرد لصق وخلاص لا ده عالم لوحده
تقدر تلصق:
- القيم بس من غير المعادلات
- المعادلات
- التنسيق
- الأعمدة بالعرض أو الطول
وده مهم جدا لما تنقل بيانات من شيت لشيت من غير ما تلغبط الصيغ
- قص Cut:
(CTRL+X)
بيستخدم لنقل البيانات من مكان لمكان يعني البيانات بتتشال من مكانها الأصلي وتتحط في مكان جديد
- نسخ Copy:
(CTRL+C)
بينسخ البيانات من غير ما يحذفها من مكانها الأساسي
- نسخ التنسيق Format Painter:
زر عبقري بيوفر وقت رهيب بدل ما تعيد تنسيق كل خلية تنسخ التنسيق من خلية واحدة وتطبقة علي الباقي
المجموعة دي مسئولة عن شكل الكتابة داخل الخلايا
- Font Name:
اختيار نوع الخط وده مهم في التقارير والعروض الرسمية
- Font Size:
تكبير وتصغير حجم الخط حسب أهمية البيانات
- Bold - Italic - Underline:
(CTRL+U) - (CTRL+I) - (CTRL+B)
أدوات توضيح بنستخدمها في العناوين أو الأرقام المهمة
- Font Color:
تغيير لون النص ويفضل استخدامه بحكمه علشان الشيت يفضل واضح
- Fill Color:
تغيير لون خلفية الخلية ودي بتستخدم كتير في:
- العناوين
- الإجماليات
- تمييز أقسام معينة
- Border:
رسم حدود للخلايا ودي خطوة أساسية لأي شيت منظم أو جاهز للطباعة
مجموعة المحاذاة Alignment:
المجموعة دي بتتحكم في مكان النص جوه الخلية
- المحاذاة الأفقية:
يمين - شمال - توسيط
- المحاذاة الرأسية:
أعلي - منتصف - أسفل
- Warp Text:
زر مهم جدا لو النص طويل بيخليه ينزل تحت بعضه جوه الخلية بدل ما يطلع برا
- Merge & Center:
دمج أكتر من خلية مع بعض وغالبا بنستخدمه في:
- عناوين الجداول
- أسماء التقارير
*ملاحظة مهمة: الإكثار من الدمج غلط وبيسبب مشاكل في الفرز
- Orientation:
تغيير اتجاه الكتابة مفيد في عناوين الأعمدة الطويلة
مجموعة تنسيق الأرقام Number:
دي من أخطر وأهم المجموعات
- General:
التنسيق الافتراضي
- Number:
تنسيق رقمي مع التحكم في الكسور العشرية
- Currency & Accounting:
تنسيق العملة وبيستخدم في:
- الحسابات
- الرواتب
- التقارير المالية
- Percentage:
تحويل الرقم لنسبة مئوية
- Comma Style:
إظهار الفواصل بين الآلاف لتسهيل القراءة
- Increase / Decrease Decimal:
للتحكم في عدد الأرقام العشرية
مجموعة الأنماط Styles:
التحكم الكامل في الخلايا
قائمة Home لوحدها تقدر تعمل بيها معظم شغلك في إكسيل أي حد فاهم Home كويس يعتبر حاطط رجله علي أول طريق الاحتراف وإتقان الأدوات دي بيوفر وقت وبيقلل أخطاء وبيخلي الشغل شكله احترافي
-يرجى مشاركة المقال مع أشخاص آخرين لتعم الفائدة ونشرها على حساباتك الشخصية على مواقع التواصل الإجتماعي من الأيقونات أسفل المقال
- تنسيق المستندات والجداول والعروض في Excel
- الصفوف والأعمدة في برنامج الاكسيل