برنامج إكسيل يعتبر واحد من أهم البرامج اللي بنستخدمها في حياتنا اليومية سواء في الدراسة أو الشغل أو حتى في تنظيم أمورنا الشخصية أغلب الناس بتستخدمه عشان تكتب أرقام وخلاص لكن الحقيقة إن قوة إكسيل الحقيقية بتبان في الدوال الحسابية الدوال دي بتخلّي أي عملية حسابية أسهل وأسرع وبتوفر وقت كبير وبتقلل نسبة الغلط بدل ما نقعد نحسب بإيدينا أو نستخدم الآلة الحاسبة إكسيل بيعمل كل ده تلقائي وفهم الدوال الحسابية ووظيفة كل دالة بقى شيء أساسي لأي حد بيتعامل مع الأرقام
الدوال الحسابية هي أوامر جاهزة موجودة جوه برنامج إكسيل بنستخدمها عشان نعمل عمليات حسابية مختلفة زي الجمع والطرح والضرب والقسمة والمتوسط وأكبر وأصغر قيمة كل دالة ليها اسم معين وبنكتب الاسم ده مع علامة = في الخلية اللي عايزين النتيجة تظهر فيها وإكسيل بعد كده بيحسب النتيجة تلقائي الميزة الكبيرة في الدوال إنها بتشتغل بسرعة ودقة وبتخلي الشغل منظم واحترافي خصوصا لو الأرقام كتير
- دالة SUM من أشهر وأبسط الدوال في إكسيل ووظيفتها إنها تجمع مجموعه أرقام مع بعض
- طريقة الأستخدام سهلة جدا نقف علي الخلية اللي عايزين النتيجة تظهر فيها ونكتب =SUM
- وبعدها نحدد الخلايا اللي عايزين نجمعها وبعدين نضغط Enter
الدلة دي بتستخدم في جمع المرتبات والدرجات والمبيعات وبتختصر وقت كبير بدل الحساب اليدوي
لشرح دالة SUM في إكسيل اضغط هنا
- دالة المتوسط AVERAGE:
- دالة AVERAGE بتطلع المتوسط الحسابي لمجموعة أرقام
- بنستخدمها لما نحب نعرف المتوسط العام زي متوسط درات الطلاب أو متوسط المبيعات خلال شهر
- طريقة الاستخدام بنكتب =AVERAGE ونحدد الخلايا وبعدها Enter
الدالة دي بتدي نتيجه دقيقة وسريعة وبتخلي التحليل أسهل
لشرح دالة AVERAGE في إكسيل اضغط هنا
- دالة العد COUNT:
- دالة COUNT بتعد عدد الخلايا اللي فيها أرقام بس يعني مش بعد النصوص
- طريقة الاستخدام نكتب = COUNT ونحدد نطاق الخلايا ونضغط ENTER
الدالة دي مفيدة جدا لما نشتغل علي جداول كبيرة ونحب نعرف عدد القيم الرقمية الموجودة
- دالة غير الفارغ COUNTA:
- في دالة قريبة من COUNT اسمها COUNTA ووظيفتها انها بتعد كل الخلايا اللي فيها سواء أرقام أو نصوص
- الدالة دي مفيدة لما نحب نعرف عدد الخلايا اللي فيها أي محتوي
- طريقه الاستخدام نكتب = COUNT ونحدد نطاق الخلايا ونضغط ENTER
- دالة أكبر قيمة MAX:
- دالة MAX بتطلع أكبر رقم موجود في مجموعة أرقام
- بنستخدمها لما نحب نعرف أعلي درجة أو أعلي مرتب أو أعلي رقم مبيعات
- طريقة استخدامها = MAX ونحدد نطاق الخلايا ونضغط ENTER
الدالة دي بتوفر وقت كبير بدل ما ندور علي الرقم الأكبر بإيدينا
- دالة أصغر قيمة MIN:
- دالة MIN هي عكس دالة MAX وبتطلع أصغر رقم موجود في مجموعة أرقام
- بنستخدمها في معرفة أقل درجة أو أقل تكلفة
- طريقة استخدامها = MIN ونحدد نطاق الخلايا ونضغط ENTER
لشرح دالة MIN في إكسيل اضغط هنا
- دالة الضرب PRODUCT:
- دالة PRODUCT بتستخدم لضضرب أكتر من رقم في بعض
- بدل ما تكتب معادلات طويلة الدالة دي بتسهل الموضوع
- طريقة استخدامها = PRODUCT ونحدد نطاق الأرقام أو الخلايا ونضغط ENTER
الدالة دي بتستخدم في الحسابات التجارية أو النسب المركبة
- دالة القسمة:
- إكسيل مفهوش دالة اسمها DIVIDE لكن بنعمل القسمة باستخدام علامة /
- يعني نكتب A1/B1 مثلا
القسمة بتستخدم كتير في حساب النسب والمتوسطات
- دالة التقريب ROUND:
- دالة ROUND بتستخدم لتقريب الأرقام العشرية
- طريقة استخدامها = ROUND الرقم وعدد المنازل العشرية
الدالة دي مهمة جدا في الحسابات المالية علشان النتايج تطلع مظبوطة
- دوال إضافية مهمة في إكسيل:
- دالة الطرح:
- الطرح في إكسيل بيتم باستخدام علامة - ومفيش دالة باسم SUBTRACT
- يعني مثلا لو عايزين نطرح قيمة من قيمة تانية نكتب = A1 - B1
الدالة دي بتستخدم في حساب الفرق بين الأرقام زي الفرق بين المصروفات والدخل
- دالة الجذر التربيعي SQRT:
- دالة SQRT بتطلع الجذر التربيعي للرقم
طريقة استخدامها = SQRT الرقم أو الخلية
الدالة دي بتستخدم في الحسابات الرياضية والهندسية
دالة القوة POWER:
- دالة POWER بتستخدم لرفع رقم لقوة معينة
- طريقه استخدامها = POWER الرقم أو الأس
زي مثلا تربيع رقم أو تكعيبه الدالة دي مفيدة في الحسابات العلمية
- دالة القيمة المطلقة ABS:
- دالة ABS بترجع القيمة المطلقة للرقم يعني من غير إشارة سالب
- طريقة استخدامها = ABS الرقم
الدالة دي مهمة لما نشتغل علي فروق أو نتايج تطلع سالبة
- دالة التقريب لأعلي ROUNDUP:
- دالة ROUNDUP بتقرب الرقم لأعلي مهما كانت القيمة العشرية
- طريقة استخدامها = ROUNDUP الرقم وعدد المنازل العشرية
الدالة دي بتستخدم في الحسابات المالية لما نحب نضمن ان الرقم يتقرب لفوق
- دالة التقريب لأسفل ROUNDDOWN:
- دالة ROUNDDOWN عكس ROUNDUP بتقرب الرقم لأسفل
- طريقة استخدامها = ROUNDDOWN الرقم وعدد المنازل العشرية
الدالة دي مفيدة في التقارير اللي محتاجه أرقام ثابتة من غير زيادة
- دالة MOD:
- دالة MOD بترجع باقي القسمة
- طريقة استخدامها = MOD الرقم و المقسوم عليه
الدالة دي بتستخدم في معرفة اذا كان الرقم زوجي أو فردي أو في حسابات دورية
- دالة SUMIF:
- دالة SUMIF بتجمع الأرقام بشرط معين
- طريقة استخدامها = SUMIF النطاق والشرط ونطاق الجمع
الدالة دي قوية جدا في التقارير لما نحب نجمع أرقام لفئة معينة بس
- دالة COUNTIF:
- دالة COUNTIF بتعد الخلايا اللي بتحقق شرط معين
- طريقة استخدامها = COUNTIF النطاق والشرط
الدالة دي مفيدة في تحليل البيانات والإحصائيات
لشرح دالة COUNTIF في إكسيل اضغط هنا
- دالة AVERAGIF:
- دالة AVERAGIF بتطلع المتوسط الحسابي بشرط معين
- طريقة استخدامها = AVERAGIF النطاق والشرط ونطاق المتوسط
الدالة دي بتستخدم لما نحسب متوسط مجموعة محددة من البيانات
- دالة INT:
- دالة INT بترجع الجزء الصحيح من الرقم وتلغي الكسور
- طريقة استخدامها = INT الرقم
الدالة دي مفيدة في الحسابات اللي محتاجة أرقام صحيحة بس
*مش لازم نستخدم كل الدوال دي مرة واحدة لكن كل ما تدرب أكتر وتفهم وظيفة كل دالة هتعرف تستخدم الدالة المناسبة في المكان الصح وده اللي بيخلي شغلك في إكسيل احترافي ومنظم
- خطوات عامة لاستخدام أي دالة حسابية:
- نقف علي الخلية اللي عايزين النتيجة تظهر فيها
- نكتب علامه =
- نكتب اسم الدالة
- نحدد الخلايا أو الأرقام
- نضغط ENTER
الدوال الحسابية هي اساس برنامج إكسيل وأهم سبب بيخليه قوي ومفيد فهم وظيفة كل دالة واستخدامها بطريقة صح بيساعدك تشتغل بسرعة ودقة ومن غير أخطاء ومع شوية تدريب وتجربة هتلاقي نفسك بتستخدم إكسيل بسهولة واحتراف سواء في الدراسة أو الشغل وتطلع شغل منظم وواضح في أي وقت
-يرجى مشاركة المقال مع أشخاص آخرين لتعم الفائدة ونشرها على حساباتك الشخصية على مواقع التواصل الإجتماعي من الأيقونات أسفل المقال
- دالة المتوسط AVERAGE في الإكسيل