شرح دالة IF الشرطية في إكسيل

- لو انت بتتعلم برمجة سواء بايثون أو جافا أو سي بلس بلس أو أي لغة تانية أكيد قابلتك حاجة اسمها IF

- دالة أوجملة IF الشرطية تعتبر من أهم أساسيات البرمجة ومن غيرها البرنامج هيبقي ماشي علي سطر واحد مفيش تفكير ولا قرارات

- ببساطة IF بتخلي البرنامج يفكر وياخد قرارات علي حسب شرط انت محدده زي ما انت حياتك اليومية بتقول لو الجو حر هلبس خفيف ولو الجو برد هلبس تقبل ف دي نفس الفكرة بالظبط بتحصل في البرمجة

- فدلوقتي هنتكلم عن دالة IF خطوة خطوة بشكل بسيط وبأمثلة من الحياة ومن البرمجة علشان نتعرف اكتر علي برنامج الإكسيل

- دالة IF الشرطية:

كلمة IF معناها لو شرط معين اتحقق هننفذ كود معين ولو متحققش اعمل حاجة تانية أو متعملش حاجة خالص

ال IF بتشتغل علي 3 حاجات أساسية:

- شرط أو سؤال

- نتيجة لو الشرط صح

- نتيجة تانية لو الشرط غلط ودي اختياري

- تركيب جملة دالة IF الشرطية:

أي جملة IF في أي لغة برمجة بتبقي ماشية كده:

- لو الشرط = صح → نفذ الكود

- لو الشرط = غلط → سيب الكود أو نفذ كود تاني

* مثال بسيط جدا من غير لغة برمجة:

- لو الساعة بعد 10 بالليل → نام

- لو غير كده → كمل صاحي

- أول مثال برمجي بسيط:

خلينا نفترض إن عندنا متغير اسمه age السن فهيكون:

age = 20

if age >= 18:

print("انت بالغ")

اللي بيحصل هنا:

- البرنامج بيشوف هل السن أكبر من أو يساوي 18؟

- لو اه → يطبع انت بالغ

- لو لأ → مش هيطبع حاجة

لشرح مدخلات البرمجة في EXCEL اضغط هنا

- استخدام ELSE مع IF:

لو عايزين نقول للبرنامج يعمل حاجة لو الشرط متحققش ؟

ساعتها بنستخدم else

مثال:

age = 15

if age >= 18:

print("انت بالغ")

else:

print("انت لسه صغير")

كده:

- لو السن 18 أو أكتر → بالغ

- لو أقل من 18 → لسه صغير

else دي معناها غير كده

- استخدام ELSE IF أو ELIF:

احيانا مش بيبقي عندنا اختيارين بس لأ ساعات بيبقي أكتر من حالة

ساعتها بنستخدم elif يعني else if

مثال:

degree = 85

if degree >= 90:

print("تقدير ممتاز")

elif degree >= 75:

print("تقدير جيد جدًا")

elif degree >= 60:

print("تقدير جيد")

else:

print("راسب")

البرنامج هنا:

- بيشيك شرط شرط

- أول شرط يطلع صح ينفذه ويقف

- لو كله غلط ينفذ else في الآخر

- استخدام الشروط المركبة:

ممكن تحط اكتر من شرط في IF واحدة زي

- and

- or

مثال:

age = 25

has_id = True

if age >= 18 and has_id == True:

print("مسموح بالدخول")

else:

print("ممنوع الدخول")

- هنا لازم الشرطين يبقوا صح علشان يدخل

- أمثلة من الحياة اليومية:

علشان نفهم أكتر خلينا نطلع من البرمجة شوية:

- لو معايا فلوس → اخرج

- لو مش معايا فلوس → اقعد في البيت

- لو الموبايل شخنه أقل من 20% → اشحنه

- غير كده → استخدمه عادي

كل دي قرارات مبنية علي IF

لشرح أسرار مفتاح Alt اضغط هنا

- الأخطاء الشائعة في استخدام دالة IF:

في شوية أخطاء ناس كتير بتقع فيها:

- نسيان المقارنة الصح:

زي إنك تستخدم = بدل = = في بعض اللغات

- نسيان المسافات أو الأقواس:

خصوصا في لغات زي بايثون

- كتر الشروط من غير تنظيم:

وده بيخلي الكود ملخبط وصعب يتقري

علشان كده دايما حاول تخلي الشروط واضحة وبسيطة

- أهمية دالة IF:

- بتخلي البرنامج ذكي

- بتخليك تتحكم في سير الأكواد

- أساس أي برنامج

- بتستخدم في الألعاب والمواقع والتطبيقات وكل حاجة تقريبا

من غير IF البرنامج هيبقي مجرد أوامر بتتنفذ وخلاص ومفيش أي منطق

- أهمية دالة IF في حل المشكلات:

من أهم استخدامات دالة IF إنها بتساعد المبرمج يحل المشاكل بشكل منطقي ومنظم وأي مشكلة في البرمجة بتبدأ بسؤال امتي أعمل الحاجة دي؟ وهنا بيجي دور دالة IF بدل ما البرنامج ينفذ كل الأوامر وخلاص دالة IF بتخلية يختار الطريق الصح علي حسب الحالة وكل ما المبرمج يكون فاهم المشكلة كويس هيعرف يحولها لشروط بسيطة باستخدام دالة IF وده بيسهل كتابة الكود وبيخلي البرنامج أسرع وأسهل في التعديل بعد كده وكمان استخدام دالة IF بطريقة صح بيقلل الأخطاء لأن كل حالة بتيقي محسوبة ومتغطية ومفيش قرارات عشوائية

لشرح أسرار مفتاح CTRL اضغط هنا

- دالة IF وعلاقتها بباقي مفاهيم البرمجة:

دالةIF ليها علاقة قوية بباقي مفاهيم البرمجة زي الحلقات التكرارية loops والدوال functions مثلا جوا أي loop لازم يكون في if علشان تحدد امتي التكرار يقف أو يكمل وكمان جوه أي IF في functions بتحدد أي كود هيتنفذ علي حسب البيانات اللي داخلة للدالة علشان كده أي حد مش فاهم IF كويس هيلاقي صعوبة كبيرة في فهم باقي أجزاء البرمجة ولما تتقن IF هتلاقي نفسك بتفهم الأكواد الكبيرة بسهولة وبتعرف تقرأ برامج غيرك من غير لخبطة