دلوقتي مع التكنولوجيا والهواتف والكمبيوتر حياتنا بقت كلها على ملفات رقمية صوروفيديوهات ومستندات شغل أو ملفات دراسة وكلنا بنواجه مشكلة إن الملفات دي ساعات تضيع أو الأجهزة تتعطل أو نسينا نحفظها
هنا بييجي دور التخزين السحابي واللي هو بكل بساطة حفظ الملفات على الإنترنت بدل ما تبقى على الكمبيوتر أو الموبايل بس وده بيساعدنا نوصل لملفاتنا في أي وقت ومن أي جهاز
ومن أشهر وأفضل خدمات التخزين السحابي عندنا OneDrive من مايكروسوفت الخدمة دي مش بس بتخزن ملفاتك بأمان لكن كمان بتخليك تشاركها بسهولة وتنظمها وتفتحها على أي جهاز
- خطوات استخدام OneDrive:
- في الدراسة:
- لو شغالين على مشروع جماعي أو بحث تقدروا ترفعوا كل الملفات على مجلد واحد في OneDrive
- كل عضو في الفريق يقدر يرفع شغله وأي تعديل بيتسجل فورا عند باقي أعضاء الفريق
- ده بيوفر وقت ومجهود كبير بدل الإيميلات الطويلة أو المرفقات الضايعة
- الصور والفيديوهات الشخصية:
- لو عندك صور وفيديوهات كتير ممكن تعمل لها نسخ احتياطي على OneDrive
- كده لو حصل أي حاجة للموبايل أو الكمبيوتر كل حاجة هتفضل موجودة بأمان على السحابة
- تقدر كمان تشارك ألبومات الصور مع أهلك أو أصحابك بسهولة
- التعاون الجماعي:
- لو في مشروع كبير بيشارك فيه أكتر من شخص بدل ما كل واحد يرسل الملفات على الإيميل ممكن كل الملفات تتجمع على OneDrive في مجلد واحد
- كل شخص يقدر يشوف التحديثات فورا ويعدل على الملفات اللي محتاج تعديل
- ده بيخلي الشغل أسرع ومنظم أكتر
- الوصول للملفات في أي وقت:
- لو نسيت ملف مهم على الكمبيوتر في المكتب ممكن تفتحه من أي موبايل أو جهاز تاني
- أي تعديل أو إضافة هتتسجل على طول على كل الأجهزة اللي مرتبطة بنفس الحساب
- ده معناه إن كل ملفاتك متاحة في أي مكان وفي أي وقت
- حفظ الأمان والخصوصية:
- ميزة مهمة في OneDrive إنه بيحمي ملفاتك كويس جدا تقدر تحدد مين يشوف ملفاتك ومين يقدر يعدل فيها وكمان كل الملفات بتتخزن على سيرفرات مايكروسوفت الآمنة
لو عندك مستندات مهمة أو صور خاصة ممكن تستخدم خاصية Personal Vault الموجودة في OneDrive ودي عبارة عن مكان محمي بكلمة سر أو بصمة علشان تكون مطمن إن الملفات دي آمنة جدا ومحدش يقدر يوصلها غيرك
- OneDrive بيخلي حياتنا الرقمية أسهل وأكتر أمان مش بس تحفظ ملفاتك وتوصل لها في أي وقت لكن كمان تقدر تنظمها وتشاركها مع أي حد بسهولة وكل ده من أي جهاز
- الميزة الكبيرة كمان هي المزامنة أي تعديل أو ملف جديد يظهر على كل أجهزتك على طول وده بيوفر وقت ومجهود وبيخلي الشغل أو الدراسة أسهل وأسرع