لو انت شغال على Excel سواء في شغلك أو دراستك هتلاقي نفسك كتير محتاج تاخد جزء من نص أو رقم جوه خلية معينة وده بالظبط المكان اللي دالة RIGHT بتدخل فيه الدالة دي واحدة من أهم دوال النصوص في Excel وسهلة جدا ولو اتعلمتها صح هتوفرلك وقت ومجهود كبير جدا خصوصا لو شغلك بيحتاج معالجة بيانات كتيرة أو تنظيم أكواد وأرقام
- دالة RIGHT:
دالة RIGHT في إكسيل مسئولة عن استخراج عدد معين من الحروف أو الأرقام من آخر النص أو الرقم اللي موجود في الخلية يعني لو عندك نص طويل ومحتاج تاخد آخر كام حرف منه دالة RIGHT هتعمل ده بدل ما تكتب يدوي أو تعمل نسخ ولصق
- الصيغة العامة للدالة:
RIGHT(text, [num_chars])
- text: النص أو الرقم اللي انت عايز تاخد منه آخر حروف
- num_chars: عدد الحروف اللي انت عايز تاخدها من آخر النص الرقم ده اختياري ولو مكتبتهوش إكسيل هياخد حرف واحد بس من الآخر
- مثال سريع جدا:
لو عندك الاسم Mahmoud وعايز آخر حرف بس هتكتب:
RIGHT("Mahmoud")=
والنتيجة هتكون:
"d"
- استخدام دالة RIGHT مع نصوص:
خلينا ناخد مثال عملي
لو عندك خلية فيها الاسم:
A1 = "Mahmoud Salah"
ولو عايز تاخد آخر 5 حروف من الاسم هتكتب الصيغة كده:
RIGHT(A1,5)=
النتيجة هتكون:
"Salah"
- شرح الخطوات:
- حدد الخلية اللي عايز تحط فيها النتيجة
- اكتب = وبعدها RIGHT
- بين القوسين خط الخلية اللي فيها النص مثال: A1
- حدد عدد الحروف اللي عايزها مثال: 5
- دوس Enter وهتلاقي النتيجة ظهرت
لشرح دالة CLEAN في إكسيل اضغط هنا
- مثال عملي كامل:
Ahmed Mohamed
Sara Ali
Mahmoud Khaled
ولو عايز آخر 3 حروف من كل اسم هتكتب:
RIGHT(A2,3)=
وهيتم تطبيقها علي كل الصفوف لو عملت Fill Down وهتلاقي آخر 3 حروف اتكتبت لكل اسم
- استخدام دالة RIGHT مع أرقام:
الدالة RIGHT مش بتشتغل بس علي النصوص لكن كمان مع الأرقام
مثال: لو عندك رقم حساب في إكسيل:
A2 = 123456789
ولو عايز آخر 3 أرقام بس هتكتب:
RIGHT(A2,3)=
النتيجة هتكون:
789
- ملاحظة مهمة:
لو الرقم كبير جدا في إكسيل ممكن يظهره في صيغة عملية زي 1.23E+08 علشان كده من الأفضل تحويل الرقم لنص قبل استخدام دالة RIGHT أو استخدام تنسيق الخلية علي شكل Number بجون علامات عشرية
- استخدام دالة RIGHT مع دوال تانية:
دالة RIGHT بتكون أقوي لما تستخدمها مع دوال تانية وده بيخليك تعمل حاجات معقدة بسهولة
- مثال1: استخراج الامتداد من اسم ملف
لو عندك ملفات إكسيل بأسماء مختلفة زي:
report1.xlsx
summary.docx
presentation.pptx
ولو عايز تاخد الامتداد بس آخر 4 حروف بعد النقطة هتكتب:
RIGHT(A3,4)=
النتيجة هتكون:
.xlsx
- مثال2: استخراج آخر جزء بعد الفاصل
لو عندك نص فيه جزئين مفصولين ب _ زي:
Invoice_2026
ولو عايز تاخد الرقم اللي بعد _ ممكن تستخدم دالة RIGHT مع دالة LEN ودالة FIND:
RIGHT(A4,LEN(A4)-FIND("_",A4))=
النتيجة هتكون:
2026
- الشرح:
- LEN(A4) بتحسب طول النص كله
- FIND("_",A4) بتجيب مكان _
- لما تطرحهم من بعض تبقي عارف عدد الحروف اللي عايز تاخدها من الآخر
- نصايح مهمة عند استخدام دالة RIGHT:
- الارقام الكبيرة:
لو استخدمت دالة RIGHT علي رقم كبير جدا ممكن يظهر بصيغة علمية
الحل: استخدم TEXT(A1,"0")
- الخلية الفاضية:
لو الخلية فاضية دالة RIGHT هترجع نص فاضي بردو
- العدد الافتراضي للحروف:
لو مكتبتش عدد الحروف إكسيل هياخد حرف واحد بس من الآخر
- الدمج مع دالة LEFT ودالة RIGHT :
دالة MID غالبا بتدمج مع دوال تانية زي دالة LEFT ودالة MID علشان تتحكم أكتر في أجزاء النصوص
لشرح دالة SMALL في إكسيل اضغط هنا
- أمثلة عملية علي دالة RIGHT:
- مثال1: استخراج كود المنتج
لو عندك كود منتج بالشكل ده:
PRD-2026-XL
ولو عايز تاخد آخر حرفين هتكتب:
RIGHT(A5,2)=
النتيجة هتكون:
XL
- مثال2: رقم الحساب البنكي
لوعندك رقم حساب
9876543210
ولو عايز آخر 4 أرقام هتكتب:
RIGHT(A6,4)=
النتيجة هتكون:
3210
مثال3: دمج دالة RIGHT مع دالةLEFT:
لو عندك رقم تليفون:
201234567890+
ولوعايز آخر 8 أرقام بس:
RIGHT(A7,8)=
النتيجة هتكون:
34567890
- مثال4: استخدام دالة RIGHT مع دالة IF:
لو عايز تعرف لو آخر حرف في الكود هو X:
IF(RIGHT(A5,1)="X","Yes","No")=
لو آخر حرف في الكود X هيرجع Yes ولو غيره No
- استخدام دالة RIGHT في الحياة العملية:
دالة RIGHT مش بس للأرقام والنصوص البسيطة ولكن كمان مفيدة جدا في شغل البيانات الكبيرة زي:
- استخراج آخر 4 أرقام من الأرقام الضريبية أو البطاقات
- أخد امتدادات الملفات أو نوعها بسرعة
- فصل الكود عن الاسم أو التاريخ من نص طويل
- تنظيف البيانات اللي جايه من مصادر مختلفة قبل عمل تقرير
- دمج دالة RIGHT مع دوال أخرى بعمق:
استخدام دالة RIGHT مع SUBSTITUTE
لو عايز تاخد آخر جزء بعد فاصل معين وتكرر العملية على نصوص مختلفة:
A8 = "ID-2026-XYZ"
RIGHT(A8,LEN(A8)-FIND("-",A8,FIND("-",A8)+1))=
هتلاقي النتيجة:
XYZ
الشرح: استخدمنا دالة FIND مرتين عشان نلاقي الفاصل التاني
استخدام دالة RIGHT مع CONCATENATE أو &
ممكن تستخدم دالة RIGHT مع دمج نصوص
مثال: لو عايز تعمل كود جديد يجمع اسم المنتج مع آخر 3 أرقام من رقم المنتج:
CONCATENATE("PRD-",RIGHT(A6,3)) =
أو
"PRD-" & RIGHT(A6,3)=
النتيجة:
PRD-210
- أخطاء شائعة مع دالة RIGHT:
- كتابة عدد حروف أكبر من طول النص → إكسيل هيرجع كل النص مش هيعمل خطأ
- استخدام دالة RIGHT علي خلايا فيها فراغات في الآخر → ممكن ترجع فراغات مع النص
الحل:
استخدم دالة TRIM علشان تشيل الفراغات
- الاعتماد على دالة RIGHT فقط لاستخراج النصوص المعقدة → ساعات لازم دمجها مع دالة MID أو دالة FIND علشان تحصل على النتائج المطلوبة
- الخلاصة:
دالة RIGHT في إكسيل من الدوال البسيطة لكن فعالة جدا في التعامل مع النصوص والأرقام أهم حاجة تعرف:
- دالة RIGHT بتاخد آخر حروف من أو أرقام من النص أو الرقم
- ممكن تستخدمها مع دوال LEN- LEFT - MID - FIND - IF
- مفيدة في تنظيف البيانات - التعامل مع الأكواد - الأرقام - التواريخ - الامتدادات - والفصل بين النصوص
- لو اتقنت دالة RIGHT هتوفر وقت كبير وتقدر تعالج بيانات ضخمة بسرعة وسهولة
- يرجى مشاركة المقال مع أشخاص آخرين لتعم الفائدة ونشرها على حساباتك الشخصية على مواقع التواصل الإجتماعي من الأيقونات أسفل المقال
- شرح دالة CLEAN في إكسيل
- شرح دالة SMALL في إكسيل
- شرح دالة OR في إكسيل
- شرح دالة TRIM في إكسيل
- شرح دالة LEN في إكسيل