لو اشتغلت في إكسيل قبل كده اكيد واجهتك مشكلة رموز غريبة أو حروف مش باينة جوا الخلايا خصوصا لو الملات جتلك من ملفات تانية أو من الانترنت الموضوع ده ممكن يخلي شغلك متلخبط ومش منظم هنا بيجي دور دالة CLEAN اللي بتساعدك تنظف النصوص من أي رموز أو حروف غير مطبوعة وتخليها جاهزة للتحليل أو للطباعة
- دالة CLEAN:
دالة CLEAN في إكسيل بتشيل أي رموز غير مطبوعة موجودة جوا النصوص المرموز دي ساعات بتكون invisible characters زي:
- علامات carriage return
- line feed
- tabs
- أي حاجة غير قابلة للطباعة
يعني لو عندك نص في رموز غريبة زي مربعات صغيرة أو فراغات مش طبيعية دالة CLEAN بتقدر تمسحهم كلهم
- الصيغة الأساسية للدالة:
CLEAN(text)=
- text: ده النص أو الخلية اللي عايز تنظفها ممكن يكون نص مباشرة أو مرجع لخلية فيها بيانات
- خطوات استخدام دالة CLEAN في إكسيل:
- تحديد النص اللي عايز تنظفه:
أول خطوة انك تعرف الخلية أو العمود اللي فيه النصوص اللي محتاجة تنظيف مثلا لو عندك عمود A فيه بيانات جتلك من موقع أو ملف تاني والبيانات فيهارموز مش واضحة يبقي المكان ده اللي هتشتغل عليه
- كتابة دالة CLEAN:
روح لخلية فاضية جمب العمود واكتب الدالة بالشكل ده:
CLEAN(A2)=
A2 هنا هو النص اللي انت عايز تنظفه بعد ما تضغط Enter هتلاقي النص اتنظف من الرموز الغريبة
- نسخ الدالة لكل العمود:
لو عندك أكتر من خلية ممكن تسحب الخلية اللي كتبت فيها الدالة لأسفل لتطبيقها علي كل عمود إكسيل هيعدل المرجع تلقائي علي كل صف
- نسخ النتايج واستبدال النص الأصلي:
بعد ما تنظف النصوص لو حابب تحل محل العمود الأصلي:
- اعمل copy للعمود الجديد اللي فيه النصوص النظيفة
- اختار العمود الأصلي
- اضغط Paste Special → Values
ده بيخلي النصوص النظيفة تحل محل النصوص القديمة بدون الدالة نفسها
ل شرح دالة SMALL في إكسيل اضغط هنا
- أمثلة عملية لدالة CLEAN:
- مثال1: تنظيف نصوص من رموز غير مطبوعة
لو في خلية فيها النص ده:
Hello□World□
الرموز المربعة دي علامات line feed أو رموز غير مطبوعة لما نستخدم دالة CLEAN:
CLEAN(A1)=
هتلاقي النتيجة:
HelloWorld
النص اتنظف تمام وكل الرموز اللي كانت مضايقة اتشالت
- مثال2: تنظيف بيانات من الإنترنت
كتير من البيانات اللي بتنزل من صفحات ويب بيجي معاها رموز غريبة مثلا لو جبت جدول من موقع ونسخته لإكسيل النصوص ممكن تبقي فيها فراغات كبيرة أو مربعات
باستخدام دالة CLEAN تقدر تنظفها بسرعة قبل ما تعمل عليها تحليل أو Pivot Table
- مثال3: دمج دالة CLEAN مع دوال تانية:
ممكن تستخدم دالة CLEAN مع دوال تانية زي دالة TRIM اللي بتشيل الفراغات الزايدة
TRIM(CLEAN(A2))=
ده بيخلي النص:
- خالي من النصوص الغريبة
- مفيش فراغات زايدة في الأول أو في الأخر
- مميزات استخدام دالة CLEAN:
- تنظيف سريع للنصوص:
بدل ما تقعد تمسح الرموز واحدة واحدة دالة CLEAN بتعمله كله مرة واحدة
- تحضير البيانات للتحليل:
خصوصا لو هتستخدم Pivot Table أو Charts
- تحسين عرض البيانات للطباعة:
مفيش رموز مزعجة هتظهر علي الورقة أو التقرير
- سهولة الدمج مع دوال تانية:
زي دالة LEN - دالة SUBSTITUTE - دالة TRIM وغيرها
لشرح دالة OR في إكسيل اضغط هنا
- ملاحظات مهمة عن دالة CLEAN:
- دالة CLEAN بتشيل الأحرف غير المطبوعة ومش هتمسح الرموز العادية زي ! @ # أو $
- لو عايز تمسح رموز معينة ممكن تستخدم دالة SUBSTITUTE بدل أو مع دالة CLEAN
- مثال:
SUBSTITUTE(CLEAN(A2), "?", "")=
ده بيشيل علامة الاستفهام كمان
- دالة CLEAN مفيدة جدا لما البيانات تكون جاية من مصلدر مختلفة: زي صفحات ويب - ملفات CSV - TXT أو حتي نسخ ولصق من ملفات PDF
- خطوات عملية لتنظيف البيانات اللي فيه الرموز الغريبة:
- اختر عمود البيانات اللي فيه الرموز الغريبة
- اعمل عمود جديد جنب العمود ده
- اكتب الصيغة:
CLEAN(A2)=
- اسحب الخلفية لأسفل لتطبيقها علي باقي الصفوف
- بعد كده اعمل Copy → Paste Special → Values لو عايز تحل محل العمود الأصلي
- ممكن تستخدم دالة TRIM بعد دالة CLEAN لو فيه فراغات زايدة:
TRIM(CLEAN(A2))=
- استخدام دالة CLEAN مع أعمدة كبيرة وحل مشاكل شائعة:
لما يكون عندك عمود كامل فيه مئات أو آلاف الخلايا ساعات الرموز الغريبة مش بتبقي باينة بسهولة وده بيخلي شغلك صعب
الحل هنا إنك تستخدم دالة CLEAN بشكل جماعي علي العمود كله والطريقة سهلة جدا:
- اكتب دالة CLEAN في أول خلية جنب العمود الأصلي:
CLEAN(A2)=
- اسحب الخلية لآخر العمود بحيث كل الصفوف تتنظف مرة واحدة
- لو بعد التنظيف لسه فيه رموز زي المسافات الزايدة أو علامات معينة ممكن تضيف دوال تانية زي دالة SUBSTITUTE أو دالة TRIM:
TRIM(SUBSTITUTE(CLEAN(A2), "?", ""))=
- بعد ما تخلص تنظيف العمود اعمل Copy → Paste Special → Values لتحل محل النصوص القديمة بالنصوص النظيفة
- الميزة الكبيرة هنا إنك بدل ما تنظف كل خلية واحدة واحدة دالة CLEAN بتعمل كل شغل العمود كله مرة واحدة وبسرعة وده مهم جدا لو شغلك بيعتمد على تقارير دقيقة أو Pivot Tables
- كمان استخدام CLEAN قبل أي تحليل أو عمل Charts أو Export للبيانات يقلل مشاكل الرموز الغريبة اللي ممكن تخرب العرض أو الحسابات
لشرح دالة AND في إكسيل اضغط هنا
- نصايح للتعامل مع دالة CLEAN:
- دايما جرب الدالة علي نسخة من البيانات قبل ما تغير العمود الأصلي
- لو عندك جدولكبير جدا استخدم دالة CLEAN مع دالة TRIM ده بيخلي البيانات جاهزة للتحليل بسهولة
- بعد تنظيف البيانات ممكن تعمل Data Validation أو Conditional Formatting علشان تتأكد إن مفيش رموز أو أخطاء متبقية
- دالة CLEAN واحدة من الدوال البسيطة لكنها قوية جدا في إكسيل كل اللي بتعمله إنها تنظف النصوص من أي رموز غير مطبوعة وده مفيد جدا خصوصا مع البيانات اللي جايه من الإنترنت أو مصادر مختلفة لو استخدمتها صح مع دوال تانية زي دالة SUBSTITUTE أو دالة TRIM هتقدر تحول أي بيانات فوضوية لجدول مرتب ونظيف وجاهز للتحليل أو الطباعة أو العرض
بكده لما تيجي تتعامل مع أي بيانات مليانة رموز غريبة هتعرف إن الحل موجود في دالة CLEAN والبيانات هتبقي واضحة ومنظمة في وقت أقل وبمجهود قليل
- يرجى مشاركة المقال مع أشخاص آخرين لتعم الفائدة ونشرها على حساباتك الشخصية على مواقع التواصل الإجتماعي من الأيقونات أسفل المقال