دالة OR في إكسيل تعتبر واحدة من أهم الدوال المنطقية وبتدخل في قرارات كتير جدا جوا الشغل سواء كنت بتعمل شيت درجات - شيت حسابات شركة - شيت تحليل مبيعات - أو حتي نظام حضور وانصراف
الفكرة الأساسية بتاعتها بسيطة جدا:
- لو شرط واحد بس من الشروط اتحقق → النتيجة هتبقي TRUE
- لو كل الشروط متحققتش → النتيجة هتبقي FALSE
يعني دالة OR معناها ( أو ) مش لازم كل حاجة تبقي صح يكفي حاجة واحدة بس
- الصيغة العامة لدالة OR:
الصيغة الأساسية:
OR(logical1, logical2, logical3, ...)=
- logical1 →أول شرط
- logical2 →تاني شرط
- وهكذا
تقدر تحط شرطين أو تلاتة أو حتي عشرة حسب احتياجك
- امتي نستخدم دالة OR:
بنستخدمها لما يكون القرار مبني علي احتمالات متعددة ومش شرط كلها تتحقق
زي مثلا:
- طالب ينجح لو نجح في مادة واحدة علي الأقل
- عميل ياخد خصم لو اشتري كمية كبيرة أو وصل لمبلغ معين
- موظف ياخد مكافأة لو حقق هدف معين أو جاب عميل جديد
- تنبيه يظهر لو فيه خطأ في خلية أو رقم خارج نطاق معين
- مثال بسيط جدا - طلبة ودرجات:
عندك جدول درجات:
عربي إنجليزي
45 60
عايز تعرف هل الطالب نجح في مادة واحدة علي الأقل (النجاح من 50)؟
المعادلة:
OR(A2>=50, B2>=50)=
النتيجة هتكون TRUE
ليه؟
لأن الإنجليزي 60 وده أكبر من 50
حتي لو العربي ساقط مش مشكلة شرط واحد اتحقق وخلاص
- مثال لما تبقي النتيجة FALSE:
عربي إنجليزي
30 40
المعادلة هتبقي:
OR(A2>=50, B2>=50)=
النتيجة هتكون FALSE
ليه؟
علشان ولا شرط اتحقق
ل شرح دالة AND في إكسيل اضغط هنا
الفرق العملي بين دالة OR ودالة AND:
ناس كتير بتتلخبط بينهم وده أهم فرق لازم تشرحه لطلبتك
- دالة AND:
كل الشروط لازم تتحقق علشان النتيجة تبقي TRUE
AND(A2>=50, B2>=50)=
لازم العربي والإنجليزي يكونوا ناجحين
- دالة OR:
يكفي شرط واحد بس
OR(A2>=50, B2>=50)=
مادة واحدة ناجحة تكفي
*الخلاصة:
- دالة AND صارمة
- دالة OR مرنة
- القوة الحقيقية في استخدام دالة OR مع دالة IF:
أغلب الوقت دالة OR مش بنستخدمها لوحدها لكن بنحطها جوا دالة IF علشان نطلع نتيجة نصية
- الصيغة:
(OR(الشروط), "نتيجة لو الشرط اتحقق", "نتيجة لو متحققش")IF=
- مثال إداري قوي - مبيعات:
عندك موظف ياخد مكافأة لو:
- باع أكتر من 10000
أو
- جاب عميل جديد
المبيعات عميل جديد
8000 نعم
المعادلة هتبقي:
(OR(A2>10000, B2="نعم"), "يستحق مكافأة", "لا يستحق")IF=
النتيجة هتكون: يستحق المكافأة
لأن شرط العميل الجديد اتحقق
لشرح دالة LOWER في إكسيل اضغط هنا
- مثال محاسبي - مهم جدا ليك لو بتشتغل حسابات:
لو عايز تعتبر العملية عالية الخطورة لو:
- قيمتها أكبر من 50000
أو
- نوعها تحويل خارجي
المعادلة هتكون:
(OR(A2>50000, B2="تحويل خارجي"), "مراجعة مطلوبة", "سليم")IF=
ده مثال واقعي جدا في الشغل المحاسيبي
- دالة OR مع نطاق خلايا:
تقدر تستخدم دالة OR مع نطاق كامل:
OR(A2:A10>100)=
لكن خد بالك:
في بعض الإصدارات القديمة من الإكسيل لازم تستخدمها بطريقة مختلفة مع دوال مساعدة
في الاإصدارات الحديثة من إكسيل الموضوع بقي أسهل
- استخدام دالة OR في التنسيق الشرطي:
ممكن تلون صف كامل لو:
- المبيعات أقل من 5000
أو
- المصروفات أكبر من 10000
تروح ل Conditional Formatting
وتكتب المعادلة:
OR($A2<5000, $B2>10000)=
وهنا أي صف ينطبق عليه شرط من دول يتلون تلقائي
دي حركة احترافية جدا في التقارير
- استخدام دالة OR مع أكتر من شرط:
ينفع تحط 3 أو 4 شروط
- مثال:
لو عايز تعتبر الطالب متفوق لو تقديره:
- ممتاز
أو
- جيد جدا
أو
- جيد
المعادلة هتكون:
(A2="ممتاز", A2="جيد جدا", A2="جيد")OR=
لو واحدة منهم مش موجودة → TRUE
لشرح دالة UPPER في إكسيل اضغط هنا
- أخطاء شائعة لازم تاخد بالك منها:
- نسيان علامات التنصيص:
النصوص لازم تتحط بين " "
صح:
B2="نعم"
غلط:
B2=نعم
- استخدام دالة OR لوحدها وانت مستني نص:
دالة OR بترجع TRUE أو FALSE بس
لو عايز كلام → لازم IF
- خلط الشروط المنطقية:
لازم تستخدم < أو > أو = صح
- مثال تعليمي متقدم:
لو عندك طالب تعتبره ناجح لو:
- مجموعة أكبر من 250
أو
- جاب امتياز في مادة واحدة
(OR(A2>250, B2="امتياز"), "ناجح", "راسب")IF=
ده بيديك مرونة كبيرة جدا في بناء سيستم تقييم ذكي
- مستوي احترافي أعلي - دمج دالة OR مع دالة AND:
تقدر تدمج الدالتين
- مثال:
لو عايز مكافأة لو:
- المبيعات أكبر من 10000 ونسبة التحصيل أكبر من 90%
أو
- المدير وافق
(OR(AND(A2>10000, B2>90%), C2="موافقة"), "مكافأة", "لا")IF=
هنا بقي دخلنا في منطق متقدم جدا وده مستوي شغل شركات كبيرة
- ملخص احترافي:
- OR معناها أو
- شرط واحد بس يتحقق → TRUE
- كل الشروط غلط → FALSE
- أقوي استخدام ليها بيكون مع دالة IF
- تنفع في الدرجات - المبيعات - الحسابات - التقارير - ال HR
- يرجى مشاركة المقال مع أشخاص آخرين لتعم الفائدة ونشرها على حساباتك الشخصية على مواقع التواصل الإجتماعي من الأيقونات أسفل المقال
- شرح الصفوف والأعمدة في برنامج الإكسيل