دالة LEFT من أهم الدوال النصية اللي هتحتاجها كتير جدا خصوصا لو شغلك فيه بيانات زي أسماء - أرقام - موبايلات - أكواد أو حتي تحليل داتا
ببساطة جدا:
الدالة دي بتجيبلك عدد معين من الحروف من بداية النص من الشمال
يعني لو عندك كلمة أو جملة وعايز تاخد أو كام حرف منه يبقي دي الدالة المناسبة ليك
- فكرة الدالة ببساطة:
تخيل معايا إن عندك كلمة:
EXCEL
ولو عايز تاخد أول 2 حرف منها →النتيجة هتكون:
EX
وده بالظبط اللي دالة LEFT بتعمله
- شكل الدالة:
الدالة بتتكتب بالشكل ده:
LEFT(text, num_chars)=
خلينا نشرحهم واحدة واحدة:
- text:
ده النص اللي انت عايز تشتغل عليه
ممكن يكون:
- كلمة مكتوبة
- أو خلية فيها نص
- num _ chars:
عدد الحروف اللي عايز تاخدها من الشمال
- مثال عملي بسيط:
لو عندك في الخلية A1:
محمد
وعايز تجيب أول 2 حرف:
LEFT(A1,2)=
النتيجة هتكون:
مح
- استخدامات دالة LEFT في الشغل الحقيقي:
خلينا ندخل في المهم ونشوف إزاي تستخدمها ف شغلك
- استخراج كود من رقم:
لو عندك رقم موبايل زي:
01012345678
وعايز تجيب كود الشبكة أول 3 أرقام:
LEFT(A1,3)=
النتيجة هتكون:
010
- فصل الاسم الأول:
لو عندك اسم زي:
محمد أحمد علي
وتحب تجيب أول اسم بس محمد ممكن تستخدم دالة LEFT مع دوال تانية زي دالة FIND لكن لو الاسم الأو عدد حروفه ثابت تقدر تستخدمها مباشرة
- استخراج سنة من تاريخ مكتوب:
لو عندك تاريخ بالشكل ده
2026/03/18
وعايز تجيب السنة:
LEFT(A1,4)=
- تنظيف البيانات:
احيانا بيكون عندك داتا فيها حروف زيادة في الأول
تقدر تستخدم دالة LEFT علشان تحدد الجزء المهم بس
لشرح دالة CLEAN في إكسيل اضغط هنا
- مقارنة دالة LEFT مع دالة RIGHT ودالة MID:
دوال النصوص الأساسية في إكسيل بتمكنك تتحكم في أي جزء من النص:
- دالة LEFT → بتاخد الحروف من الشمال
مثال:
("محمد أحمد", 3) → "محمد" LEFT=
- دالة RIGHT → بتاخد الحروف من اليمين
مثال:
("محمد أحمد", 4) → "أحمد" RIGHT=
- دالة MID → بتاخد جزء من النص من أي مكان تحدده
مثال:
("محمد أحمد", 3, 4) → "مد أ"MID=
فايدة المقارنة دي إنك تقدر تختار الدالة المناسبة علي حسب مكان البيانات اللي عايز تاخدها
- استخدامات متقدمة لدالة LEFT:
- استخراجات كود المنتجات أو SKU:
لو عندك كود زي:
PRD20260318
وعايز تجيب الجزء اللي فيه PRD بس:
LEFT(A1,3) → "PRD" =
ولو عايز الجزءاللي بعده: استخدم دالة RIGHT أو دالة MID مع دالة LEFT مع بعض
- دمج دالة LEFT مع دالة IF:
لو عايز تعمل تصنيف حسب أول حرف من اسم الموظف:
(LEFT(A1,1)="م","قسم المحاسبة","قسم آخر")IF=
ده بيساعدك تعمل تحليلات سريعة أو تصفيات تلقائية
- تنظيف بيانات من إكسيل قديم:
لو عندك بيانات فيها رموز زيادة زي:
###محمد
ممكن تستخدم دالة LEFT مع دوال LEN وTRIMعلشان تشيل الرموز:
LEFT(TRIM(A1), LEN(TRIM(A1))-3)=
- استخراج السنة والشهر من التاريخ:
لو عندك تاريخ زي:
2026/03/18
- السنة = 2026 → LEFT(A1,4)
- الشهر = 3 → MID(A1,6,2)
- نصايح محترفين:
- استخدم خلية مرجعية بدل ما تكتب النص مباشرة عشان المعادلات تبقى ديناميكية
- جرب دمج دالة LEFT مع دالة FIND + LEN لعمل تحليلات نصية متقدمة
- لو شغلك فيه بيانات كبيرة استعمل دالة LEFT + IF + VLOOKUP لتصنيف البيانات بسرعة
- احرص على تنظيف البيانات قبل استخدام دالة LEFT لتجنب الفراغات الزايدة أو الرموز الغلط
- أخطاء شائعة لازم تاخد بالك منها:
- كتابة عدد حروف أكبر من النص:
لو كتبت رقم أكبر من عدد الحروف الإكسيل مش هيغلط هيجيب النص كله عادي
- استخدام الدالة مع أرقام مش نصوص:
لو الرقم متخزن كNumber ممكن تحتاج تحوله لنص باستخدام:
TEXT
لشرح دالة SMALL في إكسيل اضغط هنا
- دمج دالة LEFT مع دوال تانية:
- دالة LEFT + FIND:
لو عندك اسم كامل وعايز تجيب الاسم الأول بس:
LEFT(A1, FIND(" ",A1)-1)=
- الفكرة:
- FIND: بتدور علي أول مسافة
- LEFT: بتاخد الحروف قبلها
- دالة LEFT + FIND:
تستخدمها لما تبقي بتعمل معادلات أعقد شوية وخصوصا في تحليل النصوص
- تمارين بسيطة للتطبيق:
- تمرين1:
عندك الكلمة:
COMPUTER
هات أول 4 حروف
- تمرين2:
عندك رقم:
01234567890
هات أول 5 أرقام
- تمرين3:
عندك كود:
EMP2026
هات الجزء اللي فيه EMP
- نصايح احترافية:
- دايما اربط الدالة بخلية بدل ما تكتب النص يدوي
- استخدمها مع دوال تانية علشان تعمل شغل احترافي
- جربها علي داتا حقيقية مش أمثلة بس
- الخلاصة:
دالة LEFT من أبسط وأهم الدوال في إكسيل لكنها قوية جدا لو استخدمتها صح
بتساعدك في:
- تحليل بيانات العملاء
- تستخرج بيانات بسرعة
- تنظم الشغل
- توفر وقت ومجهود
ولو اتقنتها مع دوالتانية زي دالة FIND ودالة LEN هتوصل لمستوي احترافي في التعامل مع النصوص زي:
- تحليل بيانات العملاء
- تنظيم كودات المنتجات
- استخراج معلوما تمن تواريخ أو نصوص
- تصنيف البيانات بشكل سريع وذكي
- يرجى مشاركة المقال مع أشخاص آخرين لتعم الفائدة ونشرها على حساباتك الشخصية على مواقع التواصل الإجتماعي من الأيقونات أسفل المقال