لو انت شغال عل Excel وعايز ترتب البيانات بطريقة سهلة وسريعة فيه دوال كتير هتسهل عليك الموضوع من أهم الدوال الحديثة في في Excel 365 هي دالة UNIQUE و دالة FILTER الدوال دي هتخليك تختصر وقتك وتشتغل بمرونة أكتر علي البيانات الكبيرة ودلوقتي هنشرح كل دالة لوحدها وبعدها إزاي ممكن تستخدمهم مع بعض مع أمثلة حقيقية
- دالة UNIQUE:
- وظيفة الدالة:
دالة UNIQUE وظيفتها إنها تطلعلك القيم الفريدة من مجموعة بيانات يعني لو عندك عمود فيه تكرار الدالة هترجعلك كل قيمة مرة واحدة بس
- الصيغة:
UNIQUE(array,[by_col],[exactly_once])=
- شرح الوسيطات:
- array: ده نطاق البيانات اللي انت عايز تطلع منه القيم الفريدة
- by _ col : ده اختيار اختياري لو عايز تحط TRUE هتتعامل علي الأعمدة بدل الصفوف وDefault
هو FALSE يعني علي الصفوف
- once _ exactly: اختيار اختياري كمان لو تحط TRUE هترجعلك القيم اللي موجودة مرة واحدة بس
- مثال عملي:
لو عندك عمود A فيه أسماء موظفين زي:
- محمد
- علي
- محمد
- ساره
- علي
- هند
لو حبيت تجيب القيم الفريدة بس هتكتب:
UNIQUE(A2:A7)=
- النتيجة هتكون:
- محمد
- علي
- ساره
- هند
ولو حبيت تجيب القيم اللي ظهرت مرة واحدة بس:
UNIQUE(A2:A7,,TRUE)=
- النتيجة هترجعلك:
- ساره
- هند
- دالة FILTER:
- وظيفة الدالة:
دالة FILTER بتخليك تختار البيانات اللي تناسب شرط معين يعني ممكن تختار كل الموظفين اللي مرتبهم فوق 5000 أو كل المنتجات اللي متاحة حاليا
- الصيغة:
FILTER(array, include, [if_empty])=
- شرح الوسيطات:
- array: نطاق البيانات اللي انت عايز تصفيه
- include: الشرط اللي على أساسه هتفلتر البيانات لازم يبقى نطاق بنفس طول الـ array
- if _ empty: اختيار اختياري لو مفيش حاجة مطابقة للشرط ممكن تظهر رسالة زي مفيش بيانات
لو عندك جدول فيه عمود A أسماء الموظفين وعمود B المرتبات:
الاسم المرتب
محمد 4000
علي 6000
ساره 7000
هند 5000
لو عايز تطلع الموظفين اللي مرتباتهم أكبر من 5000 هتكتب:
(A2:A5, B2:B5>5000, "مفيش موظفين")FILTER=
- النتيجة هتكون:
- علي
- ساره
- استخدام دالة UNIQUE مع دالة FILTER مع بعض:
في حاجات كتير محتاجين نستخدم الدالتين مع بعض مثلا لو عندك جدول فيه أسماء موظفين والأقسام اللي شغالين فيها وعايز تجيب قائمة الأقسام بدون تكرار بس للأقسام اللي فيها موظفين مرتباتهم أعلي من 50000
مثال عملي:
الاسم القسم المرتب
محمد المحاسبة 4000
علي المبيعات 6000
ساره المحاسبة 7000
هند المبيعات 5000
كريم التسويق 8000
الخطوة الأولي:
نفلتر الأقسام علي حسب المرتب > 5000
FILTER(B2:B6, C2:C6>5000)=
- النتيجة:
- المبيعات
- المحاسبة
- التسويق
لو عايز القيم الفريدة بس:
UNIQUE(FILTER(B2:B6, C2:C6>5000))=
- النتيجة النهائية:
- المبيعات
- المحاسبة
- التسويق
كده انت دمعت دالتين مع بعض وطلعت الأقسام اللي فيها موظفين مرتباتهم أكبر من 5000 بدون تكرار
- مثال عملي على الاستخدام اليومي:
تخيل عندك جدول موظفين كبير جدا وكل موظف مربوط بقسمه ومرتبه وسنوات الخبرة لو عايز تعمل تقرير سريع يطلعلك أسماء الأقسام بدون تكرار بس للموظفين اللي مرتباتهم فوق 6000 وسنوات خبرتهم أكثر من 5 سنين بدل ما تدور وتفلتر يدوي هتعمل حاجة زي كده:
UNIQUE(FILTER(B2:B100, (C2:C100>6000)*(D2:D100>5))=
- العمود B: فيه أسماء الأقسام
- العمود C: المرتبات
- العمود D: سنوات الخبرة
النتيجة هتطلعلك بسرعة كل الأقسام اللي فيها موظفين ممتازين حسب الشروط دي بدون تكرار وده هيوفر وقتك جدا خصوصا لو البيانات كبيرة جدا
- نصايح مهمة عند استخدام الدالتين:
- ترتيب النتايج:
لو عايز النتايج تظهر بشكل مرتب أبجدي ننكن تستخدم دالة SORT مع دالة UNIQUE ودالة FILTER:
SORT(UNIQUE(FILTER(B2:B6, C2:C6>5000)))=
- التعامل مع النصوص والحروف الكبيرة والصغيرة:
دالة UNIQUE حساسة للحروف يعني محمد و محمد بنفس الحروف هي هتعتبر واحدة لكن لو فيه فرق في الحروف الكبيرة والصغيرة ممكن تظهر مرتين
الحل:
تستخدم UPPER أو LOWER قبل الفلترة:
UNIQUE(UPPER(A2:A7))=
- المرونة مع الشرطيات:
دالة FILTER ممكن تستخدم أكتر من شرط مع بعض باستخدام الرموز المنطقية * لل AND و + لل OR
مثال:
(A2:A7, (B2:B7>5000)*(C2:C7="المبيعات"))FILTER=
دي هتطلع الموظفين اللي مرتباتهم > 5000 وكمان في قسم المبيعات
- أمثلة عملية متقدمة:
- تصفية بيانات كبيرة من شيت تاني:
لو عندك بيانات موظفين في شيت بيانات وعايز تطلع الأقسام بدون تكرار للمرتبات > 5000 في شيت تاني:
(FILTER(بيانات!B2:B1000, بيانات!C2:C1000>5000))UNIQUE=
- دمج أكتر من شرط نصي:
لو عايز تجيب الموظفين اللي اسمهم بيبدأ بحرف م ومرتباتهم > 5000:
(A2:A6, (LEFT(A2:A6,1)="م")*(B2:B6>5000))FILTER=
- أخطاء شائعة عند استخدام دالة UNIQUE مع دالة FILTER:
- #CALC! : بيظهر لما دالة FILTER مفيش بيانات مطابقة للشرط
الحل:
إنك تستخدم الوسيط if _ empty
- #SPILL! : بيظهر لما الخلايا اللي المفروض الدالة تكتب فيها مش فاضية
الحل:
فضي الخلايا
- تكرار النتائج في UNIQUE: زي ما ذكرنا خلي بالك من الحروف الكبيرة والصغيرة
- في الأخر:
- دالة UNIQUE: بتطلعلك القيم الفريدة من مجموعة بيانات
- دالة FILTER: بتفلتر البيانات على حسب شرط معين
- مع بعض: ممكن تجيب بيانات فريدة حسب شرط محدد وده مفيد جدا في تحليلات Excel اليومية
- لو ضفت SORT: هتطلع النتائج منظمة ومرتبة أكتر
الدوال دي هتوفر وقتك جدا خصوصا لو عندك بيانات كبيرة ومعقدة باستخدامهم صح هتقدر تعمل تحليلات دقيقة وتطلع تقارير جاهزة بسرعة كبيرة
- يرجى مشاركة المقال مع أشخاص آخرين لتعم الفائدة ونشرها على حساباتك الشخصية على مواقع التواصل الإجتماعي من الأيقونات أسفل المقال
- جميع الدوال الحسابية في الاكسيل ووظيفة كل دالة
- دالة SORT في الإكسيل
- دالة INDEX في الإكسيل
- دالة OFFSET في الإكسيل
- دالة ROW في إكسيل
