لو إنت شغال علي الإكسيل أكيد سمعت عن دالة OFFSET وكتير من الناس بيلاقوها شوية معقدة في البداية بس لو فهمتها صح هتلاقيها من أقوي الدوال اللي بتديلك مرونة كبيرة في التعامل مع البيانات هنتكلم دلوقتي بالتفصيل عن دالة OFFSET هنعرف ايه هي الدالة وإزاي نستخدمها خطوة خطوة وأمثلة عملية تساعدك تطبقها علي شغلك مباشرة
- دالة OFFSET:
دالة OFFSET ببساطة بتاخد مكان محدد في ورقة العمل Cell وبتطلعلك خلية أو مجموعة خلايا بناء علي إزاحة معينة Rows و Columns عن المكان ده بمعني أصح هي بتقولك ابدأ من الخلية كذا اتحرك كذا صف وكذا عمود ورجعلي الخلية اللي هتلاقيها هناك أو مجموعة الخلايا اللي عايزها
- الصيغة الأساسية للدالة هي:
OFFSET(reference, rows, cols, [height], [width])
- reference: هي الخلية اللي هتبدأ منها
- rows: عدد الصفوف اللي هتتحركها من الخلية الأصلية - لو رقم سالب تتحرك لفوق
- cols: عدد الأعمدة اللي هتتحركها من الخلية الأصلية - لو رقم سالب تتحرك شمال
- height اختياري: عدد الصفوف اللي هتختارها بعد ما تتحرك
- width اختياري: عدد الأعمدة اللي هتختارها بعد ما تتحرك
- إزاي نفهم دالة OFFSET بطريقة سهلة:
- أفضل طريقة لفهم الدالة هي بالصور الذهنية:
تخيل نفسك واقف على خلية معينة في إكسيل لو قولت للبرنامج تحرك 2 صف لتحت و3 أعمدة يمين هو هيطلعلك الخلية اللي مكانها هناك لو ضفت height و width ده معناه انك مش هتاخد خلية واحدة بس لأ ده هتاخد مستطيل من الخلايا اللي حجمه محدد
يعني الدالة بتشتغل زي GPS للخلايا بتديك موقع جديد بناء على إزاحة من نقطة بداية
شرح دالة XLOOKUP في الإكسيل اضغط هنا
- خطوات استخدام دالة OFFSET:
- حدد الخلية الأساسية reference:
أول حاجة لازم تعملها هي تحدد الخلية اللي هتبدأ منها غالبا بتكون الخلية اللي فيها بيانات رئيسية أو نقطة البداية للجدول بتاعك
مثال:
لو عندك بيانات المبيعات في العمود A من الصف 1 لحد الصف 12 والخلية A1 فيها عنوان المبيعات
يبقي reference = A1
- حدد عدد الصفوف والأعمدة اللي هتحركها:
بعد تحديد الخلية الأساسية لازم تحدد إزاي هتتحرك:
- Rows: عدد الصفوف اللي هتحركها
- Cols: عد الأعمدة اللي هتحركها
مثال:
لو عايز توصل للخلية اللي في الصف 5 والعمود B وانت ابتديت من A1:
- 4 = Rows لأن A1 هي الصف الأول والتحرك 4 صفوف لتحت هيوصلك للصف 5
- 1 = Cols لأن A هي العمود 1 و B هي العمود 2
OFFSET(A1,4,1)=
ده معناه:
ابتدي من A1 ارتفاع النطاق = عدد الخلايا اللي فيها بيانات في العمود A العرض = 1 عمود
بكده النطاق هيتحدث تلقائيا كل ما تضيف بيانات جديدة
لشرح دالة COUNTIF في إكسيل اضغط هنا
- دمجها مع دوال تانية:
دالة OFFSET قوية جدا لما تتجمع مع دوال تانية زي MIN - MAX - AVERAGE - SUM
مثال:
لو عايز تجمع آخر 5 مبيعات في العمود A:
SUM(OFFSET(A1,COUNTA(A:A)-5,0,5,1))=
- COUNTA(A:A)-5: علشان يبدأ من الخلية اللي قبل آخر 5
- 5,1: يعني 5 صفوف وعمود واحد
- النتيجة: مجموع آخر 5 أرقام في العمود
- اختيار بيانات معينة من جدول
لو عندك جدول كبير ومش عايز تختار كل حاجة OFFSET هيساعدك تحدد جزء معين
مثال:
لو عندك بيانات مبيعات 12 شهر في العمود A وعايز تختار فقط من الشهر 4 لشهر 6:
OFFSET(A1,3,0,3,1)=
- يرجى مشاركة المقال مع أشخاص آخرين لتعم الفائدة ونشرها على حساباتك الشخصية على مواقع التواصل الإجتماعي من الأيقونات أسفل المقال
- جميع الدوال الحسابية في الاكسيل ووظيفة كل دالة
- الصفوف والأعمدة في برنامج الاكسيل