الوورد من أهم برامج الكمبيوتر اللي بنستخدمها كل يوم سواء في الدراسة أو الشغل أو حتى للاستخدام الشخصي البرنامج ده بيسهل علينا كتابة النصوص وعمل الجداول والعروض التقديمية وكمان تنظيم المعلومات والتقارير والمشاريع بطريقة سهلة وسريعة لكن مع كل المميزات دي في حاجة مهمة جدا لازم نكون عارفينها وهي ازاي نحافظ على كل شغلنا من الضياع وازاي نحفظ الملفات بطريقة صحيحة وازاي نصدرها بصيغ مختلفة زي PDF أو صفحة ويب أو صورة أو حتى للطباعة بحيث نقدر نشاركها مع الناس أو نستخدمها على الانترنت أو نحتفظ بيها للرجوع لها بعدين ده مهم جدا لان في مواقف كتير ممكن نكتب بحث أو تقرير طويل وبعدها يحصل انقطاع كهرباء أو الجهاز يقفل فجأة من غير ما نحفظ فكل المجهود يضيع والحفظ المستمر بيحل المشكلة دي وكمان التصدير بيساعدنا نشارك الملفات مع الناس بنفس الشكل اللي كتبناه من غير اي تغيير وممكن نختار الصيغة المناسبة حسب الاستخدام سواء للطباعة أو للعرض أو للويب أو لمشاركة الملف مع حد تاني وكمان لما نتعود على خطوات الحفظ والتصدير بنبقى دايما مطمنين على شغلنا وده بيخلينا نقدر نركز اكتر على الكتابة والمحتوى بدل ما نقلق على ضياع الملفات
- الحفظ العادي SAVE:
الحفظ العادي بيستخدم علشان تحفظ التعديلات اللي بتعملها علي نفس الملف
طريقة الحفظ:
- من تبويب file
- اختار save
لو أول مرة تحفظ الملف:
- هيطلب منك تحدد مكان الحفظ
- وتكتب اسم الملف
بعد كده أي تعديل تعمله وتضغط Save التعديل يتحفظ على نفس الملف
- الحفظ باسم Save As:
الحفظ باسم بيستخدم لما:
- تحب تعمل نسخة تانية من الملف
- تغير اسم الملف
- تغير مكان الحفظ
- تغير نوع الملف
طريقة الحفظ باسم:
- File
- Save As
- اختار المكان (كمبيوتر – فلاشة – OneDrive) - اكتب اسم جديد
- اختار نوع الملف
- الميزة هنا إن الملف الأصلي بيفضل زي ما هو
- خطوات الحفظ على الوورد:
- افتح
الملف اللي شغال عليه
- اضغط على ملف File:
ده هيفتحلك القايمة الرئيسية اللي فيها كل
الخيارات المتعلقة بالملف
- اختار حفظ أو حفظ باسم:
- لو الملف اتعمل قبل كده ممكن تختار حفظ مباشرة - لو ده أول مرة تحفظ الملف اختار حفظ باسم
- اختيار المكان:
- ممكن تحط الملف على سطح المكتب او فولدر معين على
الجهاز
- يفضل تعمل فولدرات منظمة زي فولدر للدراسة وفولدر
للشغل وفولدر للحاجات الشخصية
- كتابة اسم للملف:
اكتب اسم واضح بيعبر عن محتوى الملف ده هيسهل
عليك تلاقيه بسرعة بعدين
- اضغط حفظ:
كده الملف اتحفظ على الجهاز
- الحفظ المتكرر:
كل شوية اضغط Ctrl + S عشان تحفظ التعديلات الجديدة بسرعة ومن غير ما
تعمل أي حاجة اضافية
- الحفظ التلقائي AutoSave:
لو فعلته الوورد بيحفظ الملف لوحده كل شوية وده
مفيد لو حصل انقطاع كهرباء أو قفل البرنامج فجأة
- الحفظ على OneDrive:
لو
عندك ايميل مايكروسوفت ممكن تحفظ الملف على OneDrive وده هيسمحلك تفتحه من أي جهاز
سواء كمبيوتر تاني او الموبايل او حتى على النت
- خطوات تصدير الملفات Export:
بعد ما تحفظ الملف تقدر تصدره بعدة طرق حسب الحاج
- PDF:
- الطريقة
الأشهر لأنها بتحافظ على شكل الملف بالكامل ومابتخليش حد يعدل فيه بسهولة
- مناسبة
للتقارير الرسمية والأبحاث أو الملفات اللي هتتبعت للمدرسة أو الشغل
-خطواتها: ملف → تصدير → إنشاء مستند PDF
→ اختيار المكان → حفظ
- صفحة
ويب HTML:
- لو
عايز تعرض الملف على موقع أو صفحة على الإنترنت
- خطواتها:
ملف → تصدير → صفحة ويب → حفظ في المكان اللي تختاره
- صورة:
- ممكن تصدر صفحة واحدة أو أكتر كصورة
- مفيد للعروض التقديمية أو لو عايز تعرض جزء معين
من الملف بشكل سريع
- خطواتها:
ملف → تصدير → حفظ كصورة → اختار الصفحات
- جاهز
للطباعة:
- للتحكم في الهوامش وحجم الورق وعدد الصفحات قبل الطباعة
- مهم
جدا لو عايز تطبع الملف شكله مرتب
- خطواتها:
ملف → تصدير → طباعة → ضبط الاعدادات → حفظ أو طباعة
- تغيير
صيغة الملف:
- لو
محتاج الملف يشتغل على برامج تانية
- خطواتها:
ملف → حفظ باسم → اختيار الصيغة → حفظ
- نصائح للحفظ والتصدير:
- اعمل نسخ احتياطي للملفات المهمة علي فلاشة أو هارد خارجي خصوصا الملفات الدراسية أو شغلك
- استخدم أسماء واضحة للفولدرات والملفات علشان ميخطلتش عليك شئ
- راجع الملف قبل الحفظ أو التصدير علشان تتأكد ان كل حلجة مظبوطة
- اعتمد الحفظ المتكرر بدل ما تعتمد علي خطوة واحدة بس
- جرب الصيغ المختلفة للتصدير واعرف كل صيغة تستخدم في اي موقف علشان الشغل يبقي دايما منظم ومرتب
- باتباع الخطوات دي هتكون دايما مطمئن على شغلك ومجهودك سواء كنت طالب او موظف او حتى حد بيستخدم الوورد للاستخدام الشخصي وده هيساعدك تحمي الملفات المهمة وتشاركها او تطبعها او تعرضها على الانترنت بسهولة من غير اي مشاكل
- يرجى مشاركة المقال مع أشخاص آخرين لتعم الفائدة ونشرها على حساباتك الشخصية على مواقع التواصل الإجتماعي من الأيقونات أسفل المقال
