برنامج إكسيل بقي جزء أساسي من شغل ناس كتير سواء في المحاسبة أو الإدارة أو التعليم أو تحليل البيانات ومع كتر الأرقام والجداول دايما بيبقي عندنا احتياج نعرف القيم الكبيرة بسهولة زي أعلي رقم أو تاني أعلي رقم أو ترتيب معين للقيم من غير ما نلجأ لفرز الجدول كله
هنا بتظهر أهمية دالة LARGE اللي بتوفر طريقة بسيطة وسريعة لاستخراج أكبر القيم حسب ترتيب معين وده بيخلي الشغل أدق وأسرع خصوصا لما يكون عندك بيانات كبيرة
- دالة LARGE:
دالة LARGE هي دالة مخصصة للتعامل مع الأرقام ووظيفتها إنها ترجعلك قيمة كبيرة من مجموعة أرقام حسب ترتيب انت بتحدده
يعني مش بس بتطلع أكبر رقم وخلاص لا تقدر تطلب أكتر:
- أكبر رقم
- تاني أكبر رقم
- تالت أكبر رقم
الدالة دي بتشتغل علي أي نطاق أرقام وبتتجاهل الخلايا اللي فيها نصوص أو فاضية
- الصيغة العامة لدالة LARGE:
الصيغة بتاعه الدالة بسيطة جدا:
LARGE(array, k)=
k:
وده رقم الترتيب وبيحدد انت عايز أنهي قيمة كبيرة:
- 1 : معناها أكبر رقم
- 2 : معناها تاني أكبر رقم
- 3 : معناها تالت أكبر رقم
وهكذا حسب احتياجك
- مثال توضيحي بسيط:
لو عندك درجات طلبة في العمود A بالشكل ده:
الدرجة
60
85
90
70
100
- أكبر درجة:
LARGE(A1:A5,1)=
النتيجة هتكون: 90
- تالت أكبر درجة:
LARGE(A1:A5,3)=
لو كتبت في الخلية B1:
- 1 → هيديك أكبر رقم
- 2 → هيديك تاني أكبر رقم
كده المعادلة تبقى مرنة وسهلة التعديل
لشرح دالة MATCH في إكسيل اضغط هنا
- استخدام LARGE لاستخراج أعلى N قيم:
مفيش حاجة أسهل من إنك تطلع أعلى 5 أو 10 قيم في جدول مرة واحدة بدل ما تعمل فرز أو تدور يدوي تقدر تستخدم LARGE مع صفوف أو خلايا مساعدة
مثال:
عندك مبيعات خمس أشهر:
الشهر المبيعات
يناير 12000
فبراير 18000
مارس 15000
أبريل 9000
مايو 20000
لو عايز أعلى 3 مبيعات تقدر تعمل ده في 3 خلايا متتالية:
LARGE(B2:B6,1) → 20000=
LARGE(B2:B6,2) → 18000=
LARGE(B2:B6,3) → 15000=
| ترتيب أعلي مبيعات 1 LARGE(B2:B6,A2)= 2 LARGE(B2:B6,A3)= 3 LARGE(B2:B6,A4)= كده لما تغير الرقم في عمود ترتيب النتائج هتتغير تلقائي من غير ما تعدل المعادلة الميزة هنا إنها بتوفر وقت كبير جدا خصوصا لو عندك جداول كبيرة فيها مئات أو آلاف القيم ودي طريقة ممتازة لأي شيت تحليلي أو تقرير مبيعات أو حتى ترتيب درجات الطلبة | |
|---|---|
- الفرق بين دالة LARGE ودالة MAX:
ناس كتير بتتلخبط بين الدالتين:
- دالة MAX:
- بترجع أكبر رقم فقط
- مفيش تحكم في الترتيب
- دالة LARGE:
- بترجع أكبر رقم
- أو تاني أكبر رقم
- أو أي ترتيب انت محتاجه
يعني دالة MAX تعتبر استخدام بسيط لكن دالة LARGE أوسع وأقوي
لشرح دالة MAX في إكسيل اضغط هنا
- أخطاء شائعة لازم تاخد بالك منها:
- ترتيب أكبر من عدد القيم:
لو عدد القيم 5 وطلبت الترتيب السادس إكسيل هيديك خطأ
- وجود خلايا فاضية أو نصوص:
الدالة بتتجاهل النصوص بس لو مفيش أرقام كفاية هتطلع Error
- نسيان تثبيت النطاق:
لو بتسحب المعادلة لتحت الأفضل تثبت النطاق باستخدام:
$A$1:$A$20
- مثال عملي كامل:
عندك جدول مبيعات:
الشهر المبيعات
يناير 12000
فبراير 18000
مارس 15000
أبريل 9000
مايو 20000
- أعلي مبيعات:
LARGE(B2:B6,1)=
- تاني أعلي مبيعات:
LARGE(B2:B6,2)=
- نصايح مهمة:
- استخدام دالة LARGE بدل الفرز لما تكون محتاج قيمة أو ترتيب معين
- اربط الترتيب بخلية علشان تسهل التعديل
- مناسبة جدا للتحليل السريع والدقيق
- بتستخدم كتير في التقارير وال Dashboards
- دالة LARGE من الدوال المهمة في إكسيل وبتوفر عليك وقت ومجهود كبير في التعامل مع الأرقام من خلالها تقدر تطلع القيم الكبيرة حسب ترتيبك وده بيخلي شغلك منظم واحترافي أكتر مع شوية تدريب هتلاقي نفسك بتستخدمها تلقائي في أي شيت فيه أرقام ونتايج
-يرجى مشاركة المقال مع أشخاص آخرين لتعم الفائدة ونشرها على حساباتك الشخصية على مواقع التواصل الإجتماعي من الأيقونات أسفل المقال
- الصفوف والأعمدة في برنامج الاكسيل